Jašče prykładna za miesiac da Novaha hoda ŭ stalicy pačaŭ naziracca pavyšany popyt na arendnaje žyllo. A voś pačynajučy z druhoj pałovy śniežnia, ź minskaha rynku arendy žylla byli "pavymyvanyja" amal usie likvidnyja kvatery ŭ siarednim cenavym dyjapazonie.
Likvidnyja adnapakajoŭki za 250 USD
Ciapier na staličnym rynku arendy žylla zastalisia abo samyja słabieńkija pa jakaści kvatery, abo žyłyja pamiaškańni elit-kłasa, ale pa zavyšanym košcie.
Pavodle infarmacyi ahienta pa apieracyjach z žyllovaj nieruchomaściu ahienctva nieruchomaści "Dzinas" Iny Kulšy, pa minimalnym ceńniku ŭ 200 dołaraŭ na minskim rynku isnuje nie bolš za 10 varyjantaŭ zusim maleńkich i "dabitych" adnapakajovych "chruščovak" u starych damach, a taksama niekalki kvater biez mebli ŭ dalokich novabudoŭlach. Zvyčajnyja adnapakajoŭki ŭ Zavodskim rajonie i Šabanach prapanujucca za 220—230 dołaraŭ, a ŭ Kurasoŭščynie — za 230—240 dołaraŭ. Siaredni košt adnapakajovak u abžytych spalnych rajonach i navat u Malinaŭcy składaje 250 dołaraŭ. Bližej da linii mietro likvidnyja adnapakajoŭki ŭsio čaściej prapanujucca za 300 dołaraŭ.
Siońnia ŭ ahienctvy nieruchomaści pastupaje šmat zajavak ad klijentaŭ, jakija šukajuć siarednija pa jakaści chadavyja adnapakajovyja kvatery da 250 dołaraŭ. Adnak takich kvater na rynku praktyčna niama. Novy varyjant chadavoj kvatery pa siarednim ceńniku zatrymlivajecca ŭ ahienctvach siońnia nie bolš čym na sutki. Isnujuć na rynku dobryja adnapakajoŭki pa vulicach Majakoŭskaha, Bryla i Internacyjanalnaj, ale pa 300—350 dołaraŭ.
Samyja maleńkija dvuchpakajovyja "chruščoŭki" prapanujucca ciapier za 300 dołaraŭ. Heta kvatery biez mebli ci ź vielmi staroj meblaj jašče savieckich časoŭ. Bližej da linii mietro dvuchpakajoŭki siaredniaj jakaści kaštujuć nie mienš za 350 dołaraŭ. Sapraŭdy chadavych dvuchpakajovych kvater pa takim košcie siońnia taksama nie chapaje. Za 300 dołaraŭ prapanujucca trochpakajoŭki biez mebli ŭ Šabanach i ŭ Zavodskim rajonie. Siaredni košt trochpakajovych kvater z meblaj i bytavoj technikaj składaje 320—370 dołaraŭ, a pobač ź mietro — pieravyšaje 400 dołaraŭ. Vialikaha popytu na adnosna tannyja trochpakajoŭki niama, bo kamunalnyja pasłuhi pa ich apłačvaje klijent. Zrazumieła, što zimoj "kamunałka" vialikich kvater istotna pavialičvajecca.
Rynak ažyvie paśla śviat
Ina Kulša adznačaje, što ciapier haspadary "lišniaha" žylla pačali prytrymlivać svaje kvatery minimum da siaredziny studzienia. Mahčyma, što ŭłaśniki takoha žylla vyrašyli padzarabić na śviaty bolš hrošaj praz zdaču svaich kvater na sutki. Mienavita na znakavyja śviaty ŭ Minsk z bujnych haradoŭ Rasii pryjazdžajuć dobra adpačyć azartnyja hulcy. Sioleta takija amatary kazino źbirajucca "adpracavać" u minskich kłubach ažno na praciahu dvuch tydniaŭ. Nahadaju, što siońnia adna-, dvuchpakajovyja kvatery na sutki kaštujuć u spalnych rajonach kala 40—60 dołaraŭ, a ŭ centry siaredni ceńnik składaje 60—100 dołaraŭ. Košt arendy za sutki prastornych "navaročanych" dvuch- ci trochpakajovych kvater dasiahaje 100—200 dołaraŭ. Niepasredna na Novy hod dla vialikaj kampanii košt arendy takich kvater moža pavialičvacca ŭ razy.
Naš ekśpiert upeŭniena, što ŭ lutym na rynak arendy budzie "vykinuta" vialikaja kolkaść standartnych kvater sa spalnych rajonaŭ stalicy i z novabudoŭlaŭ. Vialikaja prapanova pavinna padkarektavać ceńniki arendy, jakaja moža potym patańnieć prykładna na 20—30 dołaraŭ.
