Praca niamieckaha historyka Marka Bartuški «Partyzanskaja vajna ŭ Biełarusi ŭ 1941- 1944» upieršyniu była apublikavanaja jašče ŭ 2008 hodzie. Ciapier vyjšła ipa-biełarusku .
Cikavaść da publikacyi vyklikaje navat razhromnaja pradmova, napisanaja viadomym daśledčykam biełaruskaha nacyjanalnaha ruchu, haradzienskim historykam Alesiem Smalančukom.
Spadar Smalančuk praktyčna ŭ kožnym raździele znajšoŭ proćmu supiarečnaściaŭ i niedakładnaściaŭ. A asnoŭnaj pamyłkaj niamieckaha historyka nazvaŭ ihnaravańnie daśledvańniaŭ svaich biełaruskich papiarednikaŭ — Juryja Turonka i Jaŭhiena Miranoviča.
Razam z tym, «Partyzanskaja vajna ŭ Biełarusi» zasnavanaja na takich krynicach (u pieršuju čarhu, niamieckich), da jakich biełaruskija historyki jašče nie chutka dabiarucca. U dadatak da hetaha — lohki, amal publicystyčny styl, ułaścivy zachodnim historykam dy masa ilustracyj.
Kniha budzie cikavaj amataram samych raznastajnych viersij najnoŭšaj biełaruskaj historyi. Tut znojdziecie raździeły, pryśviečanyja kałabarantam, niamieckamu teroru ŭ Biełarusi, savieckamu partyzanskamu ruchu, polskamu nacyjanalnamu supracivu na biełaruskich ziemlach, biełaruskim nacyjanalnym prablemam časoŭ Druhoj suśvietnaj, a taksama ukrainskamu i habrejskamu rucham u Biełarusi časoŭ niamieckaj akupacyi.
Dobry i zusim nie darahi padarunak sabie. Pytajciesia ŭ niezaležnych raspaŭsiudnikaŭ.
Bartuška, Mark, Partyzanskaja vajna ŭ Biełarusi ŭ 1941 — 1944 hh, — Vilnia: Instytut biełarusistyki; Biełastok: Biełaruskaje histaryčnaje tavarystva, 2011. — 188 s.
