KDB šukaje advažnych, jakija vyviesili na budynku KDB bieł-čyrvona-bieły ściah + videa epizoda sa ściaham, źniataje apierataram NN19
Zaviedzienaja kryminalnaja sprava za «źniavahu dziaržsimvałaŭ» 19 śniežnia.
Pavodle źviestak pravaabaroncaŭ, pa padziejach 19 śniežnia zaviedziena jašče adna kryminalnaja sprava — za źniavahu dziaržaŭnych simvałaŭ. Pakul pa hetaj spravie niama padazravanych.
Zaraz supracoŭniki milicyi aktyŭna šukajuć fota i videadakumienty, na jakich zafiksavana, chto padčas šeścia pa praśpiekcie Niezaležnaści zamianiŭ na budynku KDB dziaržaŭny ściah na bieł-čyrvona-bieły, paviedamlaje pravaabarončy sajt Spring96.
Heta art 370 (źniavaha dziaržaŭnych simvałaŭ) karajecca hramadskimi pracami ci štrafam, ci vypraŭlenčymi pracami na termin da dvuch hadoŭ, ci aryštam da troch miesiacaŭ, ci abmiežavańniem voli na termin da adnaho hoda.
Nahadajem, što pieratrusy z hetaj nahody pryjšli ŭ ofisie «Našaj Nivy» i PEN-centra, a taksama ŭ fotakarespandenta Julii Daraškievič i videaapieratara Taćciany Haŭrylčyk. Kahebisty mierkavali, što ŭ kamputarach reparcioraŭ zachavalisia zapisy hetaha momantu, jakija nie trapili ŭ adkryty dostup. Miž tym videazapis momantu byŭ całkam vystaŭleny ŭ internet jašče 20 śniežnia.
