Siońnia a pałovie vośmaj ranicy na pult MNS u Šumilinie pastupiŭ syhnał: harać chaty ŭ vioscy Skacica. Telefanavali z Kaźjanaŭ, ad jakich da Skacicy kala piaci kilametraŭ. Sprava ŭ tym, što ŭ samoj Skacicy vyklikać pažarnych niama kamu.
Hetaja vioska vymiraje. Stałych žycharoŭ u joj nie zastałosia. Ź dziasiatak chat vykarystoŭvajucca pad leciščy. Kali vyratavalniki pryjechali, pałali dźvie chaty, ad adnoj da druhoj metraŭ dźvieście adlehłaści. Pažar udałosia pahasić raniej, čym ahoń pierakinuŭsia na susiednija pabudovy. Kali b nia pilnaść žycharki Kaźjanaŭ, jakaja patelefanavała ŭ 01, źnieludziełaja vioska mahła b vyhareć dazvańnia.
Vidać pa ŭsim, pryčynaj pažaru byŭ padpał. Kamu i navošta spatrebiłasia padpalvać pakinutuju viosku, naležyć vyśvietlić śledztvu.
Fota photo.bymedia.net
