Ministr zamiežnych spravaŭ Biełarusi Siarhiej Martynaŭ zaklikaŭ Jeŭrasajuz nie rabić niezvarotnych krokaŭ u adnosinach ź Biełaruśsiu.Pra heta jon zajaviŭ u intervju bielhijskamu
«My spadziajemsia, što rašeńnie ES nie budzie niezvarotnym, nie zahonić situacyju ŭ kut, — padkreśliŭ kiraŭnik MZS. — Urad aktyŭna pracavaŭ na adnaŭleńnie adnosin ź ES. I adnaŭleńnie, jakoha my dabilisia pierad vybarami, było darahim. Čamu my pavinnyja prosta vykinuć heta? Heta było b prosta nierazumna z boku ŭrada».
Martynaŭ taksama adznačyŭ, što los abvinavačanych u arhanizacyi masavych biesparadkaŭ budzie vyrašać sud. Pry hetym jon padkreśliŭ — prezident krainy nie moža vyzvalić zatrymanych.
«Vy možacie mnie vieryć ci nie, ale prezident Łukašenka nie robić takich zvankoŭ pravaachoŭnym orhanam», — skazaŭ ministr.
Euobserver nahadvaje, što ciapier ES pracuje nad śpisam biełaruskich čynoŭnikaŭ, jakim płanujecca zabaranić ujezd na terytoryju krain ES i dziaržavaŭ, jakija ŭvachodziać u Šenhienskuju zonu. Pavodle dadzienych vydańnia, Polšča, jakaja adnoj ź pieršych zajaviła ab namiery zabaranić ujezd datyčnym da represij u Biełarusi, užo padrychtavała śpis z 96 čałaviek, u jaki ŭvachodzić i Łukašenka.
U toj ža čas, jak zajaviŭ Martynaŭ ŭčora ŭ Bruseli Polskamu ahienctvu druku (RAR), Biełaruś u adkaz na vizavyja sankcyi Polščy moža zabaranić ujezd na svaju terytoryju polskim čynoŭnikam.
Nahadajem, 12 studzienia na pasiedžańni ŭ Bruseli Jeŭraparłamient zaklikaŭ kiraŭnictva ES prypynić vydaču vizaŭ biełaruskim čynoŭnikam, adkaznym za parušeńni padčas prezidenckich vybaraŭ. Palityčnaje rašeńnie Jeŭrasajuza ab sankcyjach u dačynieńni da biełaruskich čynoŭnikaŭ pavinna być pryniata 31 studzienia na naradzie ministraŭ zamiežnych spravaŭ krain ES.
Z pačatku hetaha tydnia Martynaŭ znachodziŭsia ź vizitam u Zachodniaj Jeŭropie. Infarmacyju pra vizit MZS Biełarusi nie raspaŭsiudžvaŭ. Pavodle paviedamleńniaŭ jeŭrapiejskich aficyjnych krynic i ŚMI, Martynaŭ naviedaŭ Bielhiju, Finlandyju i Čechiju. Ciapier «ministr znachodzicca na svaim pracoŭnym miescy», paviedamili BiełaPAN u
Sam Alaksandr Łukašenka 30 śniežnia byŭ namiaknuŭ, što vypuścić tych, chto pakajecca pierad im asabista. «Kali jany nie majuć dačynieńnia da masavych pahromaŭ i apynulisia tam, na płoščy, ź idejnych mierkavańniaŭ, to ja budu asabista razhladać mahčymaść vyzvaleńnia, — skazaŭ jon.— A kali ty vinavaty, to ja ŭmiešvacca nie budu», — papiaredziŭ jon.
Jak viadoma, łukašenkaŭcy nie aryštavali Jarasłava Ramančuka, jaki vystupiŭ z pakajalnaj zajavaj u pieršy ranak paśla aryštaŭ. Miž tym siem astatnich kandydataŭ ad apazicyi pa spravie prachodziać. Taksama byŭ vypuščany Vital Rymašeŭski, paśla taho jak dasłaŭ «tłumačalnuju» na imia Łukašenki, źmiest jakoj nie razhałšvajecca. A Andrej Sańnikaŭ aryštavany navat razam z žonkaj. Mienavita suprać jaho była skiravana, darečy, i zajava, jakuju zmusili pračytać Ramančuka. Miarkujučy pa vynikach ź niešmatlikich učastkaŭ, dzie naziralniki mahli sačyć za padlikam hałasoŭ, mienavita Sańnikaŭ vychodziŭ na druhoje miesca paśla Łukašenki.
Nahadajem, što 19 śniežnia dziasiatki tysiač čałaviek u Minsku vyjšli na vulicy, kab patrabavać svabodnych vybaraŭ biez Łukašenki.
