U vypiscy sa špitala Mai Abromčyk značycca «bytavaja traŭma» 26
A skarhu dziaŭčyny, jakoj razdrabili nahu, dałučyli da spravy ab «biesparadkach».
A skarhu dziaŭčyny, jakoj razdrabili nahu, dałučyli da spravy ab «biesparadkach».
Zdymak Alesia Pileckaha.
Skarhu 21-hadovaj Mai Abromčyk, jakoj 19 śniežnia supracoŭnik AMAPa razdrabiŭ kostku halonki, dałučyli da spravy «ab masavych biesparadkach». Pa jaje słovach, skarhu z rajonnaj prakuratury pieranakiravali ŭ adździeł milicyi. A ŭ vypiscy sa špitala značyłasia «bytavaja traŭma».
Halina Abromčyk: «Jany [supracoŭniki prakuratury] „spuścili“ skarhu ŭ milicyju i napisali adpisku. Tam zhadvajecca kryminalnaja sprava pa artykule 293 „masavyja biesparadki“, što jaje skarha dałučanaja da hetaj spravy… Jak byccam jana ŭdzielničała ŭ hetych masavych biesparadkach, a toje, što jaje pabili-to heta sprava 110-ja».
Halina Abromčyk źviartajecca da tych, chto byŭ śviedkami źbićcia Mai i jaje siabroŭ, i chto moža paćvierdzić heta ŭ sudzie.
Nahadajem, 21-hadovuju Maju Abromčyk i jaje siabroŭ źbili 19 śniežnia niedaloka ad płoščy Niezaležnaści. Im zahadali iści ŭ aŭtazak, ale samastojna iści Maja nie mahła, i jaje panios adzin z chłopcaŭ. Tolki praz 3 hadziny, praviedzienych u aŭtazaku, dziaŭčynu pieravieźli ŭ špital. U jaje byli pierabityja kostki halonki, zroblenaja apieracyja.
U vypiscy sa špitala Mai Abromčyk značycca «bytavaja traŭma». Reč u tym, što pa namienkłatury byvajuć «bytavyja» i «vytvorčyja» traŭmy. Niama katehoryi «traŭmy, atrymanyjaŭ vyniku hvałtoŭnych dziejańniaŭ».
