Ci advažacca ŭłady «vyrazać» Niaklajeva z płoščy Pieramohi, jak vyrazali ź filma pra Uładzimira Mulavina?
U staličnych kniharniach užo niemahčyma znajści knihi Uładzimira Niaklajeva. Kadry ź jaho udziełam vyrazajuć z rasijskaha filmu ab Mulavinie.Nakolki daloka mohuć zajści biełaruskija ŭłady ŭ svaim zmahańni ź biełaruskim paetam, jaki navažyŭsia zrabić vyklik Łukašenku?
«Tut schilajem hałovy my nizka pierad mužnaściu vašaj,
hieroi,
pierad słavaju vašaj, što ŭstała niazhasnaj zaroju
na ziamli,
za jakuju žyćcio addali
vy, syny nieabsiažnaj Radzimy,
Biełarusi syny…
Pabracimy,
Viekapomny vaš podźvih!
Niezabyŭnyja vašy imiony na hetaj ziamli!»
Hetyja radki, pryśviečanyja zahinuŭšym u Druhoj suśvietnaj vajnie biełarusam, Niaklajeŭ napisaŭ pa prośbie Piatra Kraŭčanki, jaki ŭ savieckija časy pracavaŭ sakratarom Mienskaha haradskoha kamitetu KPB. Sajuz piśmieńnikaŭ taksama abviaściŭ tady konkurs siarod narodnych paetaŭ, ale vierš Niaklajeva byŭ bolš udały.
Cikava, što vierš u pierachodzie pad płoščaj Pieramohi raźmieščany ŭ dvuch varyjantach — biełaruskamoŭnym i rasijskamoŭnym. Adnak aŭtarstva nie paznačana. Adnojčy hety niedachop sprabavaŭ vypravić Vasil Bykaŭ, napisaŭšy proźvišča Niaklajeva na marmury asadkaj. Nadpis chutka zaciorsia.
***
Nahadajem, što kandydat u prezidenty, piśmieńnik Uładzimir Niaklajeŭ byŭ žorstka źbity viečaram u dzień vybaraŭ 19 śniežnia i ciapier znachodzicca ŭ SIZA KDB pa abvinavačańni ŭ arhanizacyi masavych biesparadkaŭ.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary