Taksama Jeŭrapiejskaja narodnaja partyja zaklikaje orhany Jeŭrasajuza spynić usiu finansavuju padtrymku Biełarusi i ŭdzieł va Uschodnim partniorstvie, zamarozić majomaść «Biełtecheksparta» i inšych eksparcioraŭ uzbrajeńnia i vajennaj techniki.
Samaja vialikaja palityčnaja hrupa Jeŭraparłamienta — Jeŭrapiejskaja narodnaja partyja (JENP) — pradstaviła svoj, biesprecedentna žorstki, varyjant rezalucyi pa Biełarusi. Z ulikam tekstaŭ inšych palityčnych hrup jeŭraparłamientaryi prymuć uzhodnieny dakumient 20 studzienia.
Varyjant rezalucyi ad deputataŭ Jeŭrapiejskaj narodnaj partyi zaklikaje Saviet Ministraŭ ES, Jeŭrakamisiju i Vysokaha pradstaŭnika ES pa zamiežnaj palitycy, siarod inšaha:
— Zamarozić usiu makrafinansavuju dapamohu ŭ vyhladzie kredytaŭ ad MVF, a taksama prahramaŭ Jeŭrapiejskaha inviestycyjnaha banka i Jeŭrapiejskaha banka raźvićcia i rekanstrukcyi;
— Zamarozić udzieł Biełarusi va Ŭschodnim Partniorstvie da stanoŭčych źmienaŭ, «pačynajučy ź biezumoŭnaha vyzvaleńnia pradstaŭnikoŭ palityčnaj apazicyi»;
— Pierahledzieć palityku ES da Biełarusi ŭklučna z ekanamičnymi adnosinami, padtrymać raźvićcio demakratyi praz pavialičeńnie finansavaj padtrymki niezaležnym ŚMI i arhanizacyjam hramadzianskaj supolnaści, kolkaści stypiendyj dla vyklučanych biełaruskich studentaŭ, praciahnuć padtrymku Jeŭrapiejskaha humanitarnaha ŭniviersiteta;
— Abmiežavać kantakty ź biełaruskimi ŭładami da «absalutnaha minimumu»;
— Nieadkładna viarnuć vizavyja zabarony dla biełaruskich čynoŭnikaŭ, uklučna z pradstaŭnikami sudoŭ i śpiecłužbaŭ, adkaznych za falsifikacyju vybaraŭ i paślavybarnyja represii dy aryšty siabraŭ apazicyi;
— Zamarozić majomaść «Biełtecheksparta» i inšych biełaruskich eksparcioraŭ uzbrajeńnia i vajennaj techniki;
— Paskoryć pracu ŭ śfiery ablahčeńnia vizavaha režymu i readmisii, z tym kab ablehčyć kantakty pamiž ludźmi.
Aprača taho, varyjant rezalucyi ad JENP:
— Asudžaje aryšty i zatrymańni bolš za 700 demanstrantaŭ i 7 z 9 kandydataŭ, zapužvańnie hramadzianskaj supolnaści praz masavyja pieratrusy ŭ pryvatnych kvaterach, ofisach ŚMI i niaŭradavych arhanizacyjach, užyvańnie brutalnaj siły z boku milicyi i supracoŭnikaŭ śpiecsłužbaŭ da demanstrantaŭ, a ŭ asablivaści vyražaje «svajo abureńnie brutalnaj atakaj na Niaklajeva»;
— Asudžaje abmiežavańnie dostupu advakataŭ da źniavolenych i niepradstaŭleńnie źniavolenym miedycynskaj dapamohi;
— Zaprašaje mižnarodnych partnioraŭ ES zaniać padobnuju pazicyju da biełaruskaha režymu i zaklikaje dałučycca da stvareńnia mižnarodnaj kamisii pa abjektyŭnym i detalovym rasśledavańni padziejaŭ 19–20 śniežnia;
— Vyražaje mierkavańnie, što spartovyja mierapryjemstvy kštałtu Čempijanatu śvietu pa
— Zaklikaje Jeŭrakamisiju skasavać dapamohu dziaržaŭnym ŚMI Biełarusi.
U svaim varyjancie rezalucyi Jeŭrapiejskaja narodnaja partyja zaklikaje biełaruskija ŭłady pravieści paŭtornyja prezidenckija vybary U dakumiencie pryvodziacca vytrymki z papiaredniaha zaklučeńnia naziralnickaj misii ABSIE, pavodle jakich praces padliku hałasoŭ «značna pahoršyŭ ahulny praces hałasavańnia».
Tam, siarod inšaha adznačajecca: «U šmatlikich vypadkach naziralniki byli abmiežavanyja i nie mieli mahčymaści nazirać za padlikam. U niekatorych vypadkach ličby, zapisanyja ŭ vynikovych pratakołach vybarčych učastkaŭ, adroźnivalisia pa prybyćci ŭ terytaryjalnyja vybarčyja kamisii».
Svaje varyjanty rezalucyi pa Biełarusi prapanujuć i inšyja palityčnyja hrupy Jeŭrapiejskaha parłamienta: sacyjalistaŭ dy libierałaŭ.
Pradstaŭlenyja imi varyjanty taksama davoli žorstkija, bolšaść punktaŭ supadajuć ź mierkavańniem Jeŭrapiejskaj narodnaj partyi. 20 studzienia Jeŭraparłamient prahałasuje pa ŭzhodnienym usimi palityčnymi hrupami dakumiencie.
