Palitolah Aleś Łahviniec, jaki vyłučajecca kandydatam u deputaty mienskaha harsavietu, na minułym tydni nakiravaŭ zvarot u Centravybarkam, Mienski harsaviet, Prakuraturu, Administracyju prezydenta z prośbaj razabracca, čamu ŭ Frunzenskim rajonie ad 2003 h. až na 13 tysiačaŭ pamienieła vybarcaŭ.
20 listapada Łahviniec atrymaŭ aficyjny adkaz ad CVK za podpisam Lidzii Jarmošynaj. U adkazie pišacca: «Vy nie pryvodzicie faktaŭ nieŭklučeńnia vybarcaŭ śpisy. ... CVK ... nia maje śviedčańniaŭ taho, što chto-niebudź z žycharoŭ Frunzenskaha rajonu byŭ pazbaŭleny prava ŭdzielničać u vybarach. Pakolki Vy vyłučajeciesia kandydatam u deputaty harsavietu, to zrazumiełaje Vašaje žadańnie trapić na staronki hazet, chacia b i z nadumanym kanfliktam. Adnak dadzienyja abstaviny nia majuć ničoha supolnaha ź intaresami vybarcaŭ».
A.Łahviniec miarkuje, što CVK takim čynam uchiliŭsia ad adkazu, jon taksama źbirajecca źviarnucca z hetym pytańniem u sud.
