Zaŭsiody pavinien być praciah z pošty redakcyi 5

Hodnym praciaham Płoščy-2010, praciaham baraćby, moža stać manifiestacyja ŭ dzień inaŭhuracyi.

Sarvać jaje, viadoma, nie atrymajecca, bo, pa-pieršaje, naŭrad ci manifiestacyja budzie dastatkova vialikaj, kab heta atrymałasia, pa-druhoje, KDB i MUS zrobiać usio, kab akcyi nie adbyłosia i, pa-treciaje, nie chopić arhanizacyi. Ale heta budzie mocna i dziorzka — «narodnaabrany» karanujecca ŭ prezidenty, a narod, jaki jaho «abraŭ», vychodzić na Płošču, kab vykazać hetamu pratest. Toje, što ludzi vyjduć, u mianie sumnievaŭ niama. My majem pravy spadziavacca, što hety tryvały krok, manifiestacyja ŭ dzień inaŭhuracyi, jašče macniej uzdymie salidarnaść biełarusaŭ, jašče macniej ich aburać chłuśnia i represii ŭ dačynieńni da viadučych palitykaŭ i aktyvistaŭ apazicyi, jakija pierš za ŭsie źjaŭlajucca našymi suajčyńnikami.

Hetaja manifiestacyja, što b ni adbyłosia, budzie našym pieršym nastolki dziorzkim dziejańniem.

Pieraadoleŭšy strach, my znoŭ vyjdziem na śviatło, pry hetym biez arhanizacyi i lidaraŭ, vyjdziem pa zakliku serca, našaha sumleńnia. Zrabić inakš — značyć zdradzić svaim nadziejam. Jak havaryŭ Vacłaŭ Łastoŭski, «ty nie žyvieš, kali žyvieš dla siabie. Žyćcio — heta zmahańnie za Baćkaŭščynu». Nielha biaździejničać, čakajučy, pakul niešta adbudziecca, treba rabić, kab hetaje «niešta» adbyłosia. Usio zaležyć tolki ad nas.

Nie pavinna navat uźnikać dumka, što biełaruski narod nie daros da demakratyi, što jon jašče nie hatovy. Mienavita heta i ŭkładaje ŭ našyja hałovy efiektyŭnaja prapahanda dziejnaha ŭrada. Niaŭžo nas, biełarusaŭ, pieraraśli araby, jakija kančatkova pieramahli dyktaturu 14 studzienia heta hoda? Nie vieru! Pravilniej budzie skazać, što biełarusy jašče nie hatovyja adkazvać za svaje dziejańni. Ale hetuju adkaznaść siońnia ci zaŭtra niechta ŭsio ž voźmie na siabie — i heta budzie čarhovy etap historyi baraćby biełaruskaha naroda za svaju jašče prodkami zasłužanuju svabodu.

Andruś Viasiołka

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH