Na telekanale ANT u pieradačy «Kontury» źjaviŭsia siužet pryśviečany kiraŭniku štaba Uładzimira Niaklajeva Andreju Dźmitryjevu. Raskazvałasia, kolki kvater, mašyn, učastkaŭ nabyŭ Dźmitryjeŭ za apošni hod. A taksama kolki razoŭ jon lotaŭ za miažubiznes-kłasam .
Pavodle infarmacyi telekanała, za apošni hod Andrej Dźmitryjeŭ nabyŭ kvateru ŭ elitnym domie za 200 tysiač dalaraŭ, plac pad dom pad Minskam, a taksama aŭtamabili «Leksus» 2006 hoda i «Tajota» 2005 hoda.
Na žal, «NN» nie ŭdałosia źviazacca z aŭtarami repartažu ANT kab atrymać ad ich dakumientalnyja dokazy taho, što spadar Dźmitryjeŭ vałodaje takoj majomaściu. U
Sam Andrej Dźmitryjeŭ u hutarcy z karespandentam «NN» nazvaŭ repartaž ANT «kinastužkaj pra try mahnitafony i try partsihary impartnyja».
Pavodle jaho słovaŭ, u siužecie ANT byŭ pakazany aŭtamabil blizkich jamu ludziej, a jon vałodaje tolki adnym aŭtamabilem i adnoj dvuchpakajovaj kvateraj. «Prapahanda sprabuje zhulać na zajzdraści. Maŭlaŭ, ludzi pavinny zajzdrościć apazicyjanieram, bo tyja mohuć mieć mašyny i kvatery. Ale ja spadziajusia, što hetaha nie budzie. Ja narmalny čałaviek, mnie 30 hadoŭ, čamu ja nie mahu mieć aŭtamabil i kvateru?»— havoryć były kiraŭnik štabu Niaklajeva.
Andrej Dźmitryjeŭ sudzicca z ANT nie źbirajecca i ličyć takija siužety sprobaj ačarnić jak jaho asabista, tak i apazicyju ŭcełym. «Ja nie pakryŭdziŭsia na ich. Nie źbirajusia padavać u sud i nie liču, što z hetym varta ličycca. Ź inšaha boku, chaciełasia b pabačyć siužety ab majomaści biełaruskich čynoŭnikaŭ. Tam jość što pakazać», — zaznačyŭ A.Dźmitryjeŭ.