Z pačatku 2011 hoda ŭ stalicy likvidavanyja dźvie studyi, jakija zajmalisia tyražavańniem parnahrafičnych videamateryjałaŭ.
Pieršym u pole zroku apieratyŭnikaŭ upraŭleńnia pa narkakantroli i procidziejańni handlu ludźmi HUUS Minharvykankama trapiŭ
53-hadovy biespracoŭny žychar stalicy. Jak pakazała praviedzienaja milicyjantami pravierka, na žyćcio jon zarablaŭ vielmi aryhinalnym i prybytkovym sposabam. U pryvatnaści, mužčyna kapijavaŭ pryviezienyja z terytoryi Rasijskaj Fiederacyi abo spampavanyja ź internetu pornafilmy na čystyja
DVD-dyski, jakija pakavaŭ u futlary z vyrablenymi im ža adpaviednymi ŭkładyšami i paśla realizoŭvaŭ ŭ kole pastajannych klijentaŭ albo na rynku «Ždanovičy».
Zatrymali pornapirata z dokazami złačynstva padčas zaklučeńnia čarhovaj uhody, jakaja skončyłasia raspačynańniem kryminalnaj spravy za raspaŭsiud parnahrafičnych materyjałaŭ. Padstavaŭ dla hetaha ŭ milicyjantaŭ było bolš čym dastatkova.
Padčas ahladu kvatery ŭ handlara «kłubničkaj» było kanfiskavana 2508 hatovych da prodažu DVD-dyskaŭ z pornastužkami, u tym liku ŭ 40 vypadkach hałoŭnyja roli «vykonvalisia» małahadovymi abo niepaŭnahadovymi dziećmi
(samaj małodšaj «aktorcy» na vyhlad było
try-čatyry hadki), 852 vokładki dla čarhovaj partyi śpiecyfičnaha kino, śpiecyjalnaja kamputarnaja i kapijavalnaja technika, raschodnyja materyjały. Praŭda, haspadar studyi abvinavačvańnie ŭ realizacyi vypuskanaj pradukcyi nie pryznaŭ, rastłumačyŭšy, što ŭsiu videateku zachoŭvaŭ dla asabistaha prahladu. Naturalna, hetyja słovy davieru nie vyklikali, bo asobnyja kinastužki mieli tyraž u 30–40 asobnikaŭ, što nijak nie ŭpisvajecca ŭ paniatak «pryvatnaja kalekcyja».
Takim samym znaŭcam zabaronienaha videa akazaŭsia i jaho 36-hadovy kaleha, jaki arhanizavaŭ u Minsku anałahičnuju vytvorčaść, praŭda, ź mienšym razmacham. Padčas ahladu kvatery ŭ jaho było kanfiskavana 1009 DVD-dyskaŭ parnahrafičnaha źmiestu, čystyja dyski, vokładki i nieabchodnaje abstalavańnie. Na dadzieny momant razhladajecca pytańnie ab raspačynańni ŭ dačynieńni da arhanizatara studyi kryminalnaj spravy.
Kamientary