Viečaram 17 lutaha jaje adpuścili pad padpisku ab niavyjeździe. Aktyvistka «Maładoha Frontu» praviała ŭ SIZA KDB amal dva miesiacy — jaje aryštavali ŭ noč z 19 na 20 śniežnia 2010 hodu.
Nasta Pałažanka doma. Fota radyjo «Svaboda».
Ciapier Nasta doma, z rodnymi. Da jaje adrazu źlacielisia siabry pavinšavać, ludzi viazuć joj kvietki, cukierki.
U intervju radyjo «Svaboda» Nasta skazała, što na voli jana choča najpierš daviedacca, u jakim stanie jaje siabry i arhanizacyja: «Ja ničoha nie viedaju, što adbyvałasia na svabodzie. Ja maju vialiki infarmacyjny hoład».
Za ŭvieś čas znachodžańnia ŭ turmie jana tolki niekalki razoŭ atrymała listy ad svajho taty. Tata apublikavaŭ adkryty list da Łukašenki ŭ haziecie «Narodnaja vola», u jakim u rezkaj formie patrabavaŭ vyzvaleńnia dački.
Nasta padkreśliła, što nie padpisvała nijakich listoŭ ci prašeńniaŭ.
