Rychtujecca evakuacyja biełaruskich hramadzian ź Livii, paviedamlaje Ministerstva zamiežnych spraŭ Biełarusi.
«Biełaruskaje pasolstva ŭ kantakcie z dypłamatyčnymi pradstaŭnictvami Rasii, Ukrainy, Azierbajdžana prapracoŭvaje varyjanty evakuacyi hramadzian Biełarusi ź Livii. Ciapier płanujecca adpraŭka avijarejsam MNS Rasii biełaruskich hramadzian, jakija znachodziacca ŭ livijskaj stalicy i jaje navakolli, a taksama členaŭ siemjaŭ supracoŭnikaŭ našaha pasolstva», — havorycca ŭ raspaŭsiudžanym 22 lutaha kamientary namieśnika načalnika ŭpraŭleńnia infarmacyi — načalnika adździeła
Pavodle jaje słoŭ, Ministerstva zamiežnych spraŭ praciahvaje adsočvać situacyju ŭ Livii. «Pasolstva Biełarusi ŭ Trypali padtrymlivaje kantakty ź biełaruskimi hramadzianami, jakija znachodziacca ŭ hetaj krainie. Pavodle najaŭnaj infarmacyi, nichto ź biełaruskich hramadzian nie paciarpieŭ», — adznačyła Vańšyna.
Biełaruskija dypłamaty, pradoŭžyła jana, zastajucca ŭ Trypali i pradoŭžać akazańnie nieabchodnaha sadziejničańnia hramadzianam Biełarusi.
U suviazi z rezkim abvastreńniem situacyi ŭ hetaj krainie MZS Biełarusi nastojliva rekamienduje ŭstrymacca ad pajezdak u Liviju.
