Ministerstva zamiežnych spraŭ Biełarusi abviarhaje infarmacyju ab biełaruskich najmitach u Livii, a taksama ab prylocie ŭ Minsk samalota z zołatam Kadafi.
Jak zajaviła BiełaPAN namieśnik načalnika ŭpraŭleńnia infarmacyi MZS Maryja Vańšyna, «čutki, što raspaŭsiudžvajucca šeraham ŚMI, ab udziele hramadzian Biełarusi ŭ niejkich vajennych farmiravańniach na terytoryi Livii nie adpaviadajuć rečaisnaści».
Pradstaŭnik MZS taksama skazała, što źviestki ab prybyćci ŭ Biełaruś samalota Muamara Kadafi z kaštoŭnaściami i ab vizicie ŭ Minsku jaho pasłańnika, nie adpaviadajuć rečaisnaści.
Pra toje, što ŭ raspravach nad livijcami ŭ Trypali ŭdzielničajuć najmity z Uschodniaj Jeŭropy, siarod jakich mohuć być hramadzianie Biełarusi, pieradajuć niekatoryja zachodnija ŚMI.
U pryvatnaści telekanał CNN paviedamiŭ, što livijski biežaniec, jakomu ŭdałosia pakinuć krainu, bačyŭ siarod najmitaŭ «ludziej z uschodniejeŭrapiejskaj źniešnaściu»: «Usie jany byli ŭzbrojeny aŭtamatami
Ab prybyćci ŭ Biełaruś samalota z kaštoŭnaściami Kadafi paviedamlaje izrailskaja radyjostancyja «Kol Israel» («Hołas Izraila»). Pavodle źviestak radyjostancyi, niekalki dzion tamu ŭ aeraport Minsk prybyŭ samalot «Boinh 737», jaki naležyć siamji Kadafi. Na jaho borcie znachodzilisia najaŭnyja hrošy, zołata i bryljanty na sumu, ekvivalentnuju 3 młrd. dołaram ZŠA.
Niekalkimi dniami raniej u internecie źjaviłasia infarmacyja ab tajnym vizicie ŭ Minsk pasłańnika Kadafi, načalnika hałoŭnaha ŭpraŭleńnia tyłu i vytvorčaści Časovaha hałoŭnaha narodnaha kamiteta abarony Livii Abderachmana Sieida, jaki nibyta pryjechaŭ za zbrojaj. Paviedamlałasia, u pryvatnaści, što Sieid užo byvaŭ u Minsku — u składzie livijskaj delehacyi, jakaja ŭ 2008 hodzie naviedvała Biełaruś i Ukrainu i taksama viała pieramovy ab prodažy zbroi Livii.
Zachodnija ŚMI zhadvajuć pra daŭnija «asablivyja adnosiny» Muamara Kadafi z Alaksandram Łukašenkam.
Biełaruski kiraŭnik naviedvaŭ Liviju z aficyjnym vizitam u 2000 hodzie. Vizit Kadafi ŭ adkaz adbyŭsia ŭ listapadzie 2008 hoda. Na pieramovach u Minsku Łukašenka zajaviŭ: «Biełaruś razhladaje Liviju ŭ jakaści blizkaha siabra i partniora, ź jakim my hatovy vieści dyjałoh pa lubych pytańniach». «Biełaruś na spravie dakazała svaju padtrymku Livii ŭ samyja ciažkija dla livijskaha naroda momantu», — skazaŭ Łukašenka, padkreśliŭšy, što Biełaruś i nadalej hatova akazvać hetaj krainie «nieabchodnaje sadziejničańnie».
U śniežni 2009 hoda padčas vizitu ŭ Trypali biełaruskaj delehacyi na čale ź ministram abarony Juryjem Žadobinym byŭ padpisany dvuchbakovy pratakoł ab supracoŭnictvie ŭ halinie abarony.
U červieni 2010 hoda livijskija vajennyja ŭziali ŭdzieł u vučeńniach z
