U intervju ispanskaj haziecie El País ministr zamiežnych spraŭ Polščy Radasłaŭ Sikorski raspavioŭ, što pryjarytetami budučaha staršyniavańnia jahonaj krainy ŭ ES stanuć stymulavańnie jeŭrapiejskaj ekanomiki, adnosiny z uschodnimi susiedziami —Rasiejaj i krainami Uschodniaj Jeŭropy, a taksama ŭmacavańnie biaśpieki i abarony krain Jeŭraźviazu.
«Ja liču, što Jeŭropa raźvivajecca ŭ zvyšdziaržavu, a ŭ sučasnym śviecie nieabchodnyja zdolnaści mirnaha charaktaru. U JEZ heta atrymlivajecca lepš, čym u NATA, — adznačyŭ Sikorski. — Niahledziačy na heta, my pravodzim i vajskovyja apieracyi, i dla hetaha nieabchodna palapšać sistemu kamandavańnia i kaardynacyi. Raźvićcio jeŭrapiejskich mahčymaściaŭ dazvolić nam paźbiehnuć niekatorych pamyłak, zroblenych NATA».
Jon padkreśliŭ, što Polšča «vielmi zadavolenaja tym, što Rasieja choča palapšać adnosiny ź JEZ, i Polšča vyjhraje ad hetaha ŭ pieršuju čarhu». Jon pryznaŭ, što dakład MAK ab avijakatastrofie pad Smalenskam, u jakoj zahinuŭ prezident Lech Kačynski, «nabliziŭ nas da razumieńnia taho, što adbyłosia, i ŭtrymlivaŭ mnostva kaštoŭnych rekamendacyj, adnak my rychtujem ułasny dakład, jaki nieŭzabavie budzie apublikavany, i my spadziajemsia, što jon papoŭnić niekatoryja prabieły, jakija isnujuć u rasiejskim dakumiencie».
Kamientujučy padziei, jakija adbylisia ŭ Biełarusi paśla prezidenckich vybaraŭ, Sikorski skazaŭ:
«Biełaruś dla Polščy — toje samaje, što Kuba dla Ispanii. Jeŭrapiejcy ŭsio pasprabavali: i sankcyi, i adkrytaść, ale nam tak i nie ŭdałosia damahčysia demakratyzacyi krainy. Tut niama lohkich rašeńniaŭ.My aktyvizavali dyjałoh, kali byli vyzvalenyja palitviaźni i praviedzienyja
