Biełarusi pahražaje kaśmičnaja bambardziroŭka 6

U kastryčniku-śniežni hetaha hoda na terytoryju Biełarusi mohuć upaści abłomki niamieckaha spadarožnika.

4 krainy — Hiermanija, Polšča, Biełaruś i Rasija — mohuć paciarpieć padčas padzieńnia spadarožnika Rosat, jaki znachodzicca ŭ kosmasie z 1990 hoda. Vaha aparata — 2,5 tony, jon abaročvaŭsia na vyšyni 580 kiłamietraŭ nad płanietaj. Načynieny renthiena-teleskapičnaj aparaturaj, Rosat adkryŭ u kosmasie bolš za 125 tysiač krynic renthienaŭskaha vypramieńvańnia, ździejśniŭ 479 adkryćciaŭ u ultrafijaletavym dyjapazonie. Na asnovie atrymanych z hetaha spadarožnika dadzienych astranomy napisali bolš za 700 navukovych prac i manahrafij.

Termin žyćcia aparata byŭ raźličany na 18 miesiacaŭ, adnak Rosat spraŭna prasłužyŭ cełych 9 hadoŭ. U 1999 hodzie kiravańnie spadarožnikam było zhublenaje. Ciapier aparat znachodzicca na vyšyni kala 350 kiłamietraŭ i ruchajecca pa arbicie z chutkaściu da 400 km/h, pastupova źnižajučysia. Zhodna z raźlikami, pry ŭvachodžańni spadarožnika ŭ ščylnyja słai atmaśfiery kala 1,5 tony mietału zharyć. Adnak reštki vahoj da 1 tony ŭsio ž dasiahnuć ziamnoj pavierchni — jakraz na terytoryi Jeŭropy.

Najhoršy scenar miarkuje, što reštki aparatu mohuć abrynucca na terytoryju čatyroch krain: Hiermanii, Polščy, Biełarusi abo zachodniaj častki Rasii.

U najlepšym vypadku Rosat całkam zharyć pry ŭvachodzie ŭ atmaśfieru. Raniej na ćviorduju ziamlu reštki kaśmičnaj techniki padali tolki adzin raz — u lipieni 1979 hoda abłomki 69-tonnaj amierykanskaj arbitalnaj stancyi Skylab upali na biaźludnuju aŭstralijskuju pustyniu.

U ciapierašni čas u jeŭrapiejskim centry nazirańnia za spadarožnikami Esoc u niamieckim Darmštacie za Rosat ustanoŭlenaje pastajannaje nazirańnie.

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH