Prezident Kyrhyzstana Roza Atunbajeva u intervju telekanału Euronews paviedamiła, što były prezident Kurmanbiek Bakijeŭ praciahvaje znachodzicca ŭ Biełarusi [ad krasavika 2010 hoda].
«Jon žyvie ciapier u Biełarusi, jon atrymaŭ tam niby prytułak. Siońniašnija padziei ŭ Afrycy dazvalajuć hladzieć na hetyja rečy zusim
Na pytańnie telekanała, ci budzie Kyrhyzstan damahacca vydačy źbiehłaha dyktatara, Roza Atunbajeva zajaviła: «My ciapier viedajem, što jon tam znachodzicca. My damahajemsia ekstradycyi jaho syna, jaki žyvie ŭ Łondanie, ekstradycyi jaho bratoŭ, i asabliva adnaho ź ich, jaki ŭznačalvaŭ słužbu biaśpieki. Heta toj čałaviek, jaki maje dačynieńnie da ŭsich źvierstvaŭ u našaj krainie. I nas, viadoma, nie pakidaje abyjakavymi toje, što na šmatlikija svaje zapyty my nie atrymlivajem adkazaŭ ad šerahu krain. I my navat viedajem, što niekatoryja prychilniki i blizkija pamahatyja Bakijeva, u siłu taho, što jany ŭkłali davoli vialikija kapitały ŭ inšyja krainy (a heta ŭsio — skradzienyja hrošy), to jany atrymlivajuć i status biežanca, i navat hramadzianstva».
