U niadzielu prykładna ŭ 15.00 na Centralnym rynku Homiela supracoŭnikami milicyi byŭ zatrymany žurnalist Aleh Ražkoŭ. Małady čałaviek pa zadańni ahienctva BiełaPAN pryjšoŭ tudy, kab aśviatlać fłešmob, zajaŭleny hramadskimi aktyvistami ŭ suviazi z admienaj kancerta hurtu «Lapis Trubiackoj».
— Ja pryjšoŭ na rynak, kab pahladzieć, jak prachodzić fłešmob, i potym napisać repartaž na hetuju temu, — raspavioŭ «Salidarnaści» Aleh Ražkoŭ. — Da mianie padyšli dva specnazaŭcy, pacikavilisia, chto ja, što tut rablu. Ja pradstaviŭsia, skazaŭ, što žurnalist. Jak paćviardžeńnie — pakazaŭ paśviedčańnie siabra «Biełaruskaj asacyjacyi žurnalistaŭ». Adnak jany ŭsumnilisia ŭ sapraŭdnaści hetaha dakumienta. I dastavili mianie ŭ RAUS Centralnaha rajona».
Tam reparciora apytvali supracoŭniki milicyi: dzie vučycca i pražyvaje, ź jakimi vydańniami supracoŭničaje, što rabiŭ na miescy zatrymańnia.
Prykładna praz hadzinu Aleha Ražkova adpuścili. Ź jaho ŭziatyja vusnyja tłumačeńni, składzieny pratakoł vyniaćcia paśviedčańniaŭ HA «BAŽ» i Mižnarodnaj fiederacyi žurnalistaŭ dla acenki ich sapraŭdnaści, z reparciora ŭziataja padpiska, što ŭ suviazi z hetym jon źjavicca ŭ milicyju pa pieršym patrabavańni.
Na sam fłešmob u Homieli sabrałasia kala 50 čałaviek, paviedamlaje BiełaPAN. Moładź praśpiavała pieśniu "Lapisa Trubiackoha" "Hraj". Paśla hetaha da ŭdzielnikaŭ padyšli śpiecnazaŭcy i, pahražajučy zatrymańniami, zapatrabavali razychodzicca,
