«Aktyvisty arhanizacyi abaviazkova voźmuć udzieł u vybarčaj kampanii na ŭsich jaje etapach, — zajaviŭ 12 sakavika na pasiadžeńni Respublikanskaha savieta RHA» Biełaja Ruś «jaho staršynia, pieršy namieśnik kiraŭnika Administracyi prezidenta Biełarusi Alaksandr Radźkoŭ.— My budziem aktyŭna vyłučać kandydatury svaich členaŭ dla ŭdziełu ŭ vybarčaj kampanii, płanujem pracavać u vybarčych kamisijach, u inicyjatyŭnych hrupach, davieranymi asobami, a taksama ŭ jakaści naziralnikaŭ padčas vybaraŭ».
Na pasiadžeńni byŭ zaćvierdžany pierśpiektyŭny płan raboty hetaha hramadskaha abjadnańnia na bližejšyja dva hady. «Adnoj z hałoŭnych zadač našaj arhanizacyi źjaŭlajecca sadziejničańnie abjadnańniu prahresiŭnych sił hramadstva, zacikaŭlenych u pabudovie mocnaj i kvitniejučaj Biełarusi», — cytuje Radźkova BiełTA.
«Biełaja Ruś» — samaje bujnoje hramadskaje abjadnańnie krainy, u jaho šerahach ličycca zvyš 110 tysiač čałaviek. Z momantu svajho stvareńnia ŭ 2007 hodzie hetaja arhanizacyja dekłaruje biezumoŭnuju padtrymku Alaksandru Łukašenku. U chodzie prezidenckich vybaraŭ 2010 hoda kiraŭnik «Biełaj Rusi» Alaksandr Radźkoŭ uznačalvaŭ vybarčy štab Łukašenki.
U bližejšyja hady mahčymaja transfarmacyja hetaha hramadskaha abjadnańnia ŭ palityčnuju partyju. Samo kiraŭnictva arhanizacyi kaža ab takoj pierśpiektyvie, ale peŭnyja terminy nie nazyvaje. «My pastupova i paśladoŭna idziem da taho, kab pierajści na partyjnyja pryncypy», — adznačyŭ Radźkoŭ na pasiadžeńni 12 sakavika, ale dadaŭ: «Heta pavinien być naturalny pierachod… Rašeńnie ab stvareńni partyi pavinna vykryštalizavacca ŭ narodzie, treba pastupova padrychtavać usie arhanizacyjnyja struktury, da hetaha pavinny być hatovyja instytuty palityčnaj sistemy».