Za 11 miesiacaŭ hetaha hoda Nacyjanalnym bankam realizavana nasielnictvu załatych miernych zlitkaŭ ahulnaj masaj 952,9 kiłahrama, paviedamiŭ karespandentu «Źviazdy» pres-sakratar hałoŭnaha banka krainy Michaił Žuravovič.
Jak adznačajuć u Nacyjanalnym banku, kali paraŭnoŭvać z adpaviednym letašnim pieryjadam, to abjom prodažu zołata ŭ zlitkach uzros u čatyry razy. A tłumačycca vysoki popyt na kaštoŭny mietał davoli prosta: biełarusy vykarystoŭvajuć zołata jak adzin z najbolš vyhadnych srodkaŭ zachavańnia svaich źbieražeńniaŭ. Jak i raniej, najbolšaj papularnaściu ŭ ludziej karystalisia 10-hramovyja miernyja zlitki, jakich za 11 miesiacaŭ pradadziena 9754 štuki. «Brusoŭ» pa kiłahramu kuplena 150 štuk, pa paŭkiło – 112 zlitkaŭ. Miž inšym, z momantu pačatku realizacyi załatych miernych zlitkaŭ nasielnictvu ahulnaja masa pradadzienaha zołata skłała bolš za 1,7 tony.
Nazirajecca ŭstojlivy rost popytu i na zlitki ź sierabra i płaciny. Tak, za studzień–listapad hetaha hoda pradadzieny 5271 zlitak sierabra ahulnaj masaj 699,4 kiłahrama. Z pačatku hoda Nacyjanalnym bankam pradadziena taksama 15,3 kiłahrama płaciny – 611 zlitkaŭ.
