«Zachad padzie, jak pali Hitler i Musalini».
U svaim čarhovym televystupie ŭ niadzielu Muamar Kadafi zaklikaŭ livijcaŭ supraciŭlacca «ahresii». Jon paabiacaŭ «biaskoncuju vajnu suprać chryścijanskaha voraha».
Jahony vystup doŭžyŭsia kala 15 chvilin -- niazvykła mała. Samoha Kadafi nie pakazvali. Vidać, jon chavajecca i nie choča, kab vyznačyli miesca jaho znachodžańnia.
Pierad abliččam mižnarodnaha ŭmiašalnictva dyktatar sprabuje zhulać na relihijnych pačućciach livijcaŭ.
Raniej, sprabujučy sarvać pryniaćcie rezalucyi AAN, Kadafi i livijskija dziaržaŭnyja ŚMI nazyvali paŭstancaŭ «bajevikami
Suprać Kadafi ŭźnialisia šyrokija słai nasielnictva, u tym liku isłamskija aktyvisty i śvieckaja intelihiencyja. Pad upłyvam padziej u Jehipcie i Tunisie jany natchnilisia na skidańnie prydurkavataha dyktatara. Usio pačałosia ź nievialikaj manifiestacyi svajakoŭ palitviaźniaŭ i blizkich achviaraŭ represij u Bienhazi. Na praciahu tydnia demanstracyi pieraraśli ŭ sapraŭdnaje paŭstańnie.
Paśla karotkaha zamiašalnictva Kadafi abrynuŭ na pratestoŭcaŭ usiu siłu svajho represiŭnaha aparata. Było zabita niekalki socień, a moža być i tysiač čałaviek.
«My nie pakiniem našu ziamlu. My jaje vyzvalim», — cytuje jaho Reuters.
Kadafi padkreśliŭ, što na dadzieny momant usim žycharam Livii razdajuć zbroju, kab jany mahli abaraniać radzimu. «Paraza akupantaŭ niepaźbiežnaja», — paabiacaŭ jon, a taksama paabiacaŭ raspravu tym, chto budzie supracoŭničać ź siłami kaalicyi.
«Zachad padzie, jak pali Hitler i Musalini», — zajaviŭ Kadafi.
Livijski lider Muamar Kadafi vystupiŭ pa telebačańni i zaklikaŭ suhramadzian ŭzbrojvacca dla abarony zavajoŭ revalucyi, paviedamlaje Reuters.
Kadafi zajaviŭ ab namiery adkryć składy sa zbrojaj ŭsich typaŭ, kab nasielnictva krainy zmahło abaraniać krainu.
Jon taksama zaklikaŭ afrykancaŭ, arabaŭ, łacinaamerykancaŭ i azijataŭ ŭstać plačom da plača z narodam Livii, cytuje jaho vystup ahienctva.
Pa słovach Kadafi, krainy Mižziemnamorja stali «palihonam vajny». Livijski lidar taksama skazaŭ, što hramadzianie Livii paŭstanuć suprać «kałanijalnaj ahresii kryžakoŭ».
Kaalicyja ŭ subotu ŭviečary naniesła 112 udaraŭ rakietami Tomohawk.
Livijskaje telebačańnie paviedamiła ab adnym źbitym francuzskim źniščalniku. Minabarony Francyi heta kateharyčna abvierhła, paviedamiŭšy, što ni z adnym z dvaccaci francuzskich bajavych samalotaŭ, jakija ŭdzielničajuć u sumiesnych dziejańniach, ničoha nie zdaryłasia.
Livijskaje TV — nie svabodny ŚMI, a instrumient prapahandy režymu Kadafi.
Učora kala rezidencyi Kadafi sabralisia tysiačy livijcaŭ, jakija skandavali łozunhi ŭ jaho padtrymku i hatovyja byli vykonvać rolu žyvoha ščyta ŭ tym vypadku, kali kaalicyja vyrašyć nanieści ŭdary pa rezidencyi.
Rezidencyja atočanaja tryma bietonnymi murami. U joj stajać sučasnyja srodki supraćpavietranaj abarony.Śpikier livijskaj «pałatki» Muchamied Abdel Kasiem
Apieracyju suprać livijskaha ekscentryka inicyjavali Francyja, Brytanija i Liha arabskich dziaržaŭ. Da jaje dałučylisia ZŠA, Kanada, Italija, Ispanija, Danija, Bielhija, Narviehija, Niderłandy, Katar, Abjadnanyja Arabskija Emiraty, Turcyja.
Kamientary