Dom, dzie žyŭ Maksim Bahdanovič u Minsku, budzie adnoŭleny. Pra heta paviedamiła siońnia ŭ čas kruhłaha stała, pryśviečanaha Suśvietnamu dniu paezii i120-hodździu z dnia naradžeńnia biełaruskaha paeta, dyrektar litaraturnaha muzieja Maksima Bahdanoviča Taciana Šalahovič.
«Na žal, budynak, jaki niekali znachodziŭsia ŭ rajonie Trajeckaha pradmieścia, nie zachavaŭsia. Tamu jon budzie rekanstrujavany, paśla čaho častka budynka budzie addadziena muzieju Maksima Bahdanoviča», — patłumačyła Taćciana Šalahovič.
Pa słovach dyrektara muzieja, u jubilejny dla biełaruskaha kłasika hod na bazie Nacyjanalnaj akademii navuk Biełarusi zapłanavana praviadzieńnie navukovaj kanfierencyi "Maksim Bahdanovič u sučasnym litaraturnym kantekście". Akramia taho, sioleta ŭbačyć śviet encykłapiedyja "Maksim Bahdanovič", a taksama treciaje faksimilnaje pieravydańnie pryžyćciovaha zbornika vieršaŭ paeta "Vianok", i zbornik uspaminaŭ i pryśviačeńniaŭ kłasiku biełaruskaj litaratury "Piaśniar čystaje krasy" ź sieryi "Žyćcio znakamitych ludziej Biełarusi".
Jak adznačyła Taćciana Šalahovič, u Jałcinskim historyka-litaraturnym muziei płanujecca stvaryć zału Maksima Bahdanoviča.
