Biełarusy abhaniajuć rasijan pa daŭžyni pienisa, ale nie pa IQ
Apublikavanyja źviestki suśvietnaha daśledavańnia, praviedzienaha Aŭstralijskim nacyjanalnym ahienctvam zdaroŭja i dabrabytu.
Apublikavanyja źviestki suśvietnaha daśledavańnia, praviedzienaha Aŭstralijskim nacyjanalnym ahienctvam zdaroŭja i dabrabytu.
Źviestki, atrymanyja ŭ vyniku apytańniaŭ i vymiareńniaŭ u mužčyn z roznych krain śvietu, byli sabrany ŭ zvodnuju tablicu i dla nahladnaści raźmieščany ŭ vyhladzie karty. Roznyja «pakazčyki» paznačanyja na joj roznymi kolerami. Daśledavańnie aŭstralijskich śpiecyjalistaŭ zrabiła furor u internecie i spravakavała vialikuju kolkaść vodhukaŭ.
Jak vynikaje z vynikaŭ vymiareńniaŭ,
siaredniaja vieličynia mužčynskaje prynaležnaści ŭ biełarusaŭ składaje až 14,6 sm.Heta najbolšy vynik u našym rehijonie.
U Rasii vieličynia taho, dla čaho ŭ rasiejskaj movie isnuje karotkaje i jomkaje słova, składaje ŭ siarednim ścipłyja 13,2 sm.Pa hetym paramietry rasiejskija mužčyny apynulisia ŭ adnoj hrupie z amierykancami (12,9 sm) i aŭstralijcami (13,2 sm). Siaredni polski kutas vyciahvajecca na 14,3, ukrainski — na 14, niamiecki — na 14,5 sm. A napieradzie ŭsioj płaniety akazalisia mužčyny z Demakratyčnaj Respubliki Konha. Kali vieryć im, čelesy tut u siarednim dachodziać da 17,9 sm. Na druhim miescy ekvadorcy sa svaimi 17,7 sm, pryčym zychodziačy z sumlennych vymiareńniaŭ, a nie hałasłoŭnych śćviardžeńniaŭ.
Z žycharoŭ Jeŭropy na pieršaje miesca vyrvalisia vienhry (16,1 sm).
Samymi maleńkimi pienisami pryroda nadzialiła azijataŭ.Rekord u hrupie aŭtsajdaraŭ naležyć žycharam Paŭdniovaj Karei i KNDR. Žančynam hetych krain prychodzicca zdavolvacca ŭ siarednim 9,7 sm. Blizka da ich stajać i indyjcy, japoncy, kitajcy, tajcy.
Zatoje rasiejcy adyhralisia pa ŭzroŭni IQ.
Jak paviedamlaje vydańnie Global Post, adnačasova była składziena inšaja karta, na jakoj daśledčyki pasprabavali supastavić pamier člena z uzroŭniem IQ (kaeficyjenta razumovaha raźvićcia).
Tut suviazi nie prasočvajecca.
Biełarusy i rasiejcy pa ŭzroŭni IQ patrapili ŭ hrupu z vysokim uzroŭniem intelektu: u abiedźviuch krainach, ź vielmi padobnymi adukacyjnymi sistemami, jon skłaŭ 97.U kitajcaŭ jon składaje 100, amierykancaŭ — 98, palakaŭ i niemcaŭ — 99.
Samyja vysokija IQ u śviecie majuć sinhapurcy i paŭdniovakarejcy.Sistemy aśviety ŭ hetych krainach i dola VUP, jakaja zatračvajecca na adukacyju, siarod najvyšejšych u śviecie.
Pa statystycy, siaredniaja daŭžynia mužčynskaj vartaści jeŭrapieoidaŭ u napiatym stanie składaje 12–16 sm. Adnak nijakaha značeńnia dla praciahu rodu ci jakaści «sensu» pamier «fiejchtvanhiera» nie maje. I ŭsio adno mužčyny chvalujucca — spabornictva ŭ ich u hienach.
Ciapier čytajuć
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1616
Kamientary