Hałoŭny redaktar časopisa «Rośsija v hłobalnoj politikie» Fiodar Łukjanaŭ prakamientavaŭ dla «NN» apošnija tendencyi ŭbiełaruska-rasijskich adnosinach.
«Naša Niva»: Ci prahiahnie Rasija finansavańnie/kredytavańnie biełaruskaj ułady?
Fiodar Łukjanaŭ: Dumaju, što novyja kredyty źjaviacca. Tolki što ŭmovy buduć usio bolš žorstkimi. Zamiežnyja donary, mižnarodnyja arhanizacyi ž taksama vydzialajuć hrošy pad peŭnyja ŭmovy refarmavańnia ŭ haspadarcy, jakija adpaviadajuć zadačam kredytoraŭ. Heta robicca dla taho, kab była bolšaja imaviernaść viartańnia hetych kredytaŭ. Napeŭna,
čas biazvypłatnaj, palityčna matyvavanaj dapamohi kančajecca.Ciapier pryśpieła para takich prahmatyčnych stasunkaŭ.
«NN»: Finansujučy Łukašenku, Rasija imkniecca da ŭmacavańnia zaležnaści Biełarusi?
FŁ: Ja b nie staviŭ tak pytańnie. Maskva imkniecca da ŭmacavańnia i raźvićcia tych prajektaŭ, što ździajśniajucca ŭ ramkach adnosin Rasii, Biełarusi i Kazachstana. Heta najpierš idei Mytnaha sajuza. Naturalna, što
Maskva budzie nastojvać na ŭmovach vyhadnych dla siabie,a zadača Minska — vybivańnie ŭmovaŭ vyhadnych dla ŭsich udzielnikaŭ. Miarkuju, što baki buduć tarhavacca da apošniaha. Ale ŭ hetym niama ničoha kiepskaha.
«NN»: Ci jość taki varyjant, što Rasija zusim admović Łukašenku ŭ hrošach?
FŁ: U vypadku vostraha palityčnaha kanfliktu — tak. Ale dumaju, što inicyjavać heta moža tolki sam Łukašenka. Biełaruski lidar čałaviek azartny, jon nie baicca iści na abvastreńnie. Kali ž heta nie budzie pierachodzić miežaŭ zvyčajnaha torhu, to ničoha nie źmienicca.
