Kožny zamiežny hramadzianin, jaki dastaŭlaje narkotyki ŭ Biełaruś, pavinien być publična rasstralany, a biełaruski hramadzianin – asudžany da pažyćciovaha źniavoleńnia. Takuju prapanovu ŭnios siońnia deputat Viktar Kučynski ŭ časie abmierkavańnia ŭ Pałacie pradstaŭnikoŭ prezydenckaha dekreta «Pra dadatkovyja zachady ŭ spravie dziaržaŭnaj abarony dziaciej u prablemnych siemjach».
Spadar Kučynski zaklikaŭ vyvučyć zakanadaŭstva musulmanskich krainaŭ i pieranieści na biełaruskuju hlebu niekatoryja prykłady. Jon taksama adznačyŭ, što biełaruskija vioski j harady śpivajucca, raście kolkaść asobaŭ, što ŭžyvajuć narkotyki. Viktar Kučynski prapanavaŭ rehularna vazić moładź u kalonii, dzie ŭtrymoŭvajucca alkaholiki j narkamany. Na dumku deputata, taki nahladny srodak adabje u maładych ludziej achvotu spažyvać alkahol i narkotyki.
Nahadajem, što hod tamu jon prapanoŭvaŭ uvieści kryminalnuju adkaznaść za homaseksualizm.