Saviet ministraŭ zamiežnych spraŭ ES 12 krasavika abmiarkuje situacyju ŭ Biełarusi 1

12 krasavika ŭ Luksiemburhu projdzie čarhovaje pasiadžeńnie Savieta ministraŭ zamiežnych spraŭ Jeŭrasajuza.

Jak paviedamlajecca na sajcie Savieta ES, pasiadžeńnie ŭznačalić viarchoŭny pradstaŭnik ES pa zamiežnych spravach i palitycy biaśpieki Ketryn Eštan.

U paradak pasiadžeńnia Savieta ministraŭ zamiežnych spraŭ dla abmierkavańnia ŭklučany pytańni ab raźvićci situacyi ŭ Livii, na Blizkim Uschodzie, Paŭdniovym Kaŭkazie i ŭ Biełarusi, a taksama pytańni vykanańnia pravoŭ čałavieka. Bolš padrabiazny paradak pakul nie apublikavany.

U toj ža čas internet-resurs Delfi sa spasyłkaj na padrychtavany ŭ MZS Litvy dakumient paviedamlaje, što na pasiadžeńni savieta płanujecca abmierkavać prymianieńnie ekanamičnych sankcyj adnosna Biełarusi. «Najpierš treba ŭstanavić mety takich mier, madalnaść i ich mahčymaje dziejańnie. Taksama nieabchodna praduhledzieć i vypadki ich adklikańnia, kali situacyja ŭ Biełarusi budzie mianiacca. My nie ŭchvalajem tyja ekanamičnyja sankcyi, z-za jakich mohuć paciarpieć hramadzianie Biełarusi», — cytuje partał dakumient, padrychtavany MZS Litvy i pieradadzieny ŭradu.

Zhodna z dakumientam, Litva zaklikaje pačać pieramovy ab spraščeńni vizavaha režymu ź Biełaruśsiu. «My pavinny dumać nie tolki ab mierach adnosna režymu, ale i ab tym, jak ciapier dapamahčy biełaruskamu hramadstvu, jak zrabić jaho bolš adkrytym. Adzin sa sposabaŭ takoj adkrytaści adnosna ES — heta spraščeńnie vizavaha režymu, treba pačać pieramovy ab hetym», — adznačajuć u litoŭskim MZS.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH