Chto kiruje Nacbankam zamiest Prakapoviča? Juryj Ałymaŭ i Mikałaj Łuzhin 1

Pakul kiraŭnik praŭleńnia Nacbanka Piotr Prakapovič znachodzicca na reabilitacyi paśla składanaj apieracyi na sercy, paŭnamoctvy pierajšli da jaho dvuch pieršych namieśnikaŭ. Chto jany?

Juryj Ałymaŭ

Mikałaj Łuzhin

Kandydat ekanamičnych navuk Mikałaj Łuzhin naradziŭsia na Viciebščynie ŭ 1956 hodzie. Skončyŭ Biełaruski dziaržaŭny instytut narodnaj haspadarki (ciapierašni BDEU). Papracavaŭšy niekatory čas kredytnym inśpiektaram i ekanamistam adździeła finansavańnia i kredytavańnia budaŭnictva Budbanka SSSR, na dziesiać hadoŭ (1981–1991) uładkavaŭsia na kafiedru hrašovaha zvarotu i kredytu svajoj byłoj navučalnaj ustanovy, BDEU.

Ad pačatku niezaležnaści pracuje ŭ Nacyjanalnym banku — za hety čas jon pierasiadzieŭ i Bahdankieviča, i Vińnikavu, jakija ŭznačalvali hałoŭny bank krainy.

Spačatku Łuzhin pracavaŭ u departamiencie valutnaha i fondavaha rehulavańnia, a z 1998 hoda namieśnikam Piatra Prakapoviča.

Jahony kaleha Juryj Ałymaŭ usiaho na hod maładziejšy za Łuzhina. Jon naradziŭsia na terytoryi ciapierašniaha Kyrhyzstana. Skončyŭ Leninhradski finansava-ekanamičny instytut imia Vaźniesienskaha, paśla čaho ŭ 1985 hodzie adpraviŭsia pracavać u biełaruski Śvietłahorsk. Tam jon zrabiŭ karjeru, padniaŭšysia ad starejšaha ekanamista Śvietłahorskaha haradskoha finansavaha adździeła da namieśnika staršyni Śvietłahorskaha harvykankama na pačatku niezaležnaści. U 1993–1997 Ałymaŭ byŭ namieśnikam homielskaha abłasnoha kiraŭnika «Biełarusbanka», dalej pierajechaŭ u Minsk, staŭšy namieśnikam staršyni banka.

Jak i Prakapovič, Ałymaŭ pryjšoŭ u Nacbank 1998 hodzie.

Praz try hady staŭ pieršym namieśnikam kiraŭnika hałoŭnaha banka krainy. U svoj čas Ałymaŭ atrymaŭ druhuju vyšejšuju adukacyju, skončyŭšy Akademiju kiravańnia pry Saviecie Ministraŭ.

Pazicyi Ałymava macniejšyja, tamu mienavita jon faktyčna ačolić arhanizacyju. Niekalki tydniaŭ tamu jon adpraŭlaŭsia razam ź ministram finansaŭ Andrejem Charkaŭcom «vybivać» hrošy z Rasii.

Jaŭhien Vasilkoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH