17 krasavika chryścijanie Biełarusi supolna śviatkujuć Vierbnuju niadzielu.
«Nie ja bju, / viarba bje, / za tydzień Vialikdzień. / Budź zdarovy, / jak vada, / budź bahaty, / jak ziamla, / budź charošy, / jak viasna», — pryhavorvali raniej staryja ludzi, ściabajučy małych śviačonymi viarbinkami.
Hetaje śviata ŭstanoŭlenaje ŭ pamiać uvachodu Isusa Chrysta ŭ Jerusalim. Napiaredadni hetaha, Isus ździejśniŭ cud uvaskrasieńnia Łazara. Viestka pra heta raźniesłasia šyroka, i śviet narodu vitaŭ jaho jak cara palmovymi halinkami.
U Biełarusi na hetaje śviata aśviačajuć vierbnyja halinki — jany simvalizujuć tyja palmovyja, jakimi sustrakali Chrysta pry ŭvachodzie ŭ Jerusalim.
Siońnia, jak i hod tamu, Vierbnica, a značyć i Vialikdzień, supadaje ŭ pravasłaŭnych ryma- i hreka-katalikoŭ, pratestantaŭ. U XX st. dva razy zapar sustrakali supolna Vialikdzień: u 1942 i 1943 hh. -- adnych z samych čornych hadoŭ u biełaruskaj historyi.
Sioleta Vierbnaja niadziela i Vialikdzień azmročanyja trahiedyjaj u minskim mietro, što zabrała žyćci 13 čałaviek.
Nastupny tydzień — Ctrasny, jon budzie piaredničać Vialikadniu, što budziem supolna adznačać 24 krasavika.
U Vialiki čaćvier, Vialikuju piatnicu i Vialikuju subotu vierniki ŭspaminajuć pakuty i śmierć Isusa Chrysta i rychtujucca da śviata Jaho ŭvaskrašeńnia.
