Ministr Kulašoŭ: Sumnieńniaŭ, što zatrymanyja ździejśnili vybuch, u mianie niama
Onłajn-kanfierencyja na sajcie Biełteleradyjokampanii
Sumnieńniaŭ, što zatrymanyja pa spravie ab vybuchu ŭ minskim mietro jaho ździejśnili, u mianie niama.
Pra heta zajaviŭ ministr unutranych spraŭ Anatol Kulašoŭ padčas onłajn-kanfierencyi na sajcie Biełteleradyjokampanii, adkazvajučy na pytańnie adnaho z naviednikaŭ
Anatol Niłavič. (...) Skažycie, kali łaska, jak Vy sami ŭsprymajecie roznyja śpiekulacyi niekatorych ŚMI adnosna arhanizataraŭ terakt 11 krasavika? U pryvatnaści, toj momant, što zatrymanyja nie mahli sami stvaryć mahutnaje vybuchovaje prystasavańnie i nie mahli sami tak dakładna arhanizavać vybuch u mietro. Maŭlaŭ, za imi stajać niejkija mahutnyja śpiecsłužby. I jašče pytańnie: čamu ŭ padazravanych u arhanizacyi terakt nie byli ŭziatyja adbitki palcaŭ paśla vybuchu 3 lipienia 2008 hoda? Bo viadoma, što jany traplali ŭ pole zroku našych pravaachoŭnych orhanaŭ jašče ŭ 2005 hodzie paśla sieryi vybuchaŭ u Viciebsku. U ich kvatery, pa paviedamleńni šmatlikich ŚMI, pravodziŭsia navat obysk.Raźvie było nievidavočna, što mienavita ŭ hetych ludziej u pieršuju čarhu treba było nacelenym čynam brać adbitki palcaŭ?
-- Ja nie nazvaŭ by heta śpiekulacyjami, chutčej, insinuacyjami. Hetym zajmajecca toj, kamu heta vyhadna. Da hetaha ja staviŭsia i staŭlusia admoŭna.
Užo nie zastałosia nivodnaha čałavieka, jaki sumniavaŭsia b u tym, što znojdzieny mienavita tyja asoby, jakija majuć dačynieńnie da vybuchu na stancyi mietro "Kastryčnickaja".Jany vyrabili vybuchovuju pryładu. Zaraz idzie acenka tych dokazaŭ, jakija vyjaŭleny ŭ pracesie rasśledavańnia kryminalnaj spravy. Prezidentam krainy pastaŭlena zadača ŭ najkaraciejšyja terminy zabiaśpiečyć jakasnaje, poŭnaje, abjektyŭnaje rasśledavańnie kryminalnaj spravy dla taho, kab mieć kančatkovuju acenku ŭžo ŭ sudzie. U mianie jak u ministra ŭnutranych spraŭ sumnieńniaŭ u tym, što heta mienavita tyja asoby, niama. Ja dumaju, što navat paśla suda znojducca ludzi, jakija sumniavajucca ŭ tym, što my pryciahnuli da adkaznaści mienavita tych ludziej.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski29
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2525
Kamientary