«Łukašenka zrabiŭ nierazumnuju i niaŭzvažanuju zajavu»
— takoje mierkavańnie vykazaŭ žurnalistam namieśnik staršyni ŭkrainskaj Partyi rehijonaŭ pa źniešniepalityčnych pytańniach Leanid Kažara, paviedamlaje UNIAN.
26 krasavika ŭ Naroŭli Alaksandr Łukašenka rezka vykazaŭsia na adras kiraŭnictva Ukrainy i Jeŭrasajuza. U pryvatnaści, pa adkaz na pytańnie, čamu jon nie prysutničaŭ va Ukrainie na mierapryjemstvach, pryśviečanych
«Na žal, vašyvaści chapaje i ŭ ciapierašniaha kiraŭnictva Ukrainy. Pytańnie treba zadać Janukoviču, čamu biełaruski prezident nie prysutničaje na ich mierapryjemstvach», — skazaŭ Łukašenka. Na jaho dumku, Kijeŭ pačaŭ «skakać pad dudku» Brusiela ŭ adnosinach ź Biełaruśsiu.
Jak adznačyŭ Kažara, takija zajavy nie sadziejničajuć palapšeńniu miždziaržaŭnych adnosinaŭ. «A heta ciapier absalutna nie ŭ intaresach Łukašenki, bo Ukraina zastajecca ledź ci nie adzinaj krainaj, jakaja vystupaje suprać palityčnaj izalacyi Biełarusi ŭ Jeŭropie», — padkreśliŭ pradstaŭnik Partyi rehijonaŭ.
Lidar Ukrainskaj narodnaj partyi Juryj Kastenka nazvaŭ zajavy Łukašenki
«dziciačaj kryŭdaj», pry hetym leksika «adlustroŭvaje ŭzrovień palityčnaj kultury postsavieckich kiraŭnikoŭ».
Jon nahadaŭ, što ŭ miežach mižnarodnaj kanfierencyi «Dvaccać piać hadoŭ čarnobylskaj katastrofy. Biaśpieka budučyni» adbyłasia kanfierencyja donaraŭ, padčas jakoj Ukraina sabrała 550 młn. jeŭra dla vyrašeńnia čarnobylskich prablem.
Pavodle słoŭ Kastenki, ukrainskaja ŭłada nie mahła hrebavać padobnym mierapryjemstvam. Prezident Jeŭrakamisii Žaze Manuel Barozu, jakoha Łukašenka nazvaŭ kazłom, abiacaŭ prysutničać na mierapryjemstvach u Kijevie ŭ vypadku adsutnaści na ich biełaruskaha kiraŭnika.
«Stavić na čašy šalaŭ, z adnaho boku, samalubstva Łukašenki, z druhoha boku — realii, u jakich apynułasia Ukraina z Čarnobylem, z „Ukryćciom“. Heta padobna na dziciačyja cacki prezidenta Biełarusi, — ličyć Kastenka. — Takoha kštałtu rečy, jakija dazvalaje sabie spadar prezident,
śviedčać ab tym, što štości ŭ jaho z samakrytykaj nie kleicca: treba spačatku pahladzieć, što robicca va ŭłasnym domie, a zatym aceńvać inšych».
Viadomy ŭkrainski hramadski i palityčny dziejač Ściapan Chmara ličyć niedapuščalnym «praźmierna emacyjanalnuju» zajavu Łukašenki. «Vielmi prykra, što źjaviłasia takaja zajava prezidenta susiedniaj krainy, brackaha nam biełaruskaha naroda. My chacieli b i spadziajemsia, što budziem budavać najlepšyja dobrasusiedskija suviazi. Prykra i niedapuščalna, što prezident Biełarusi nie ŭtrymaŭsia i kinuŭsia ŭ praźmiernyja emocyi. Heta nie ŭpryhožvaje naohuł słužbovuju asobu, a tym bolš takuju vysokapastaŭlenuju słužbovuju asobu susiedniaj krainy», — skazaŭ Chmara.
«Dumaju, što Alaksandr Łukašenka z časam zrazumieje i budzie škadavać ab tych hłupstvach, jakija jon nahavaryŭ. Bo jon užyŭ prosta nieprystojnyja vyrazy jak adnosna Ukrainy, a taksama Žaze Manuela Barozu — jeŭrapiejskaha čynoŭnika vysokaha ranhu. Budziem spadziavacca, što z časam kali nie Łukašenka, to kiraŭnictva Biełarusi naohuł vypravić hetyja pamyłki, tamu što heta pazicyja niapravilnaja», — zajaviŭ ŭkrainski palityk.
U Ministerstvie zamiežnych spraŭ Ukrainy vykazali abureńnie «biesprecedentna niekarektnymi kamientaryjami» Łukašenki. Pra heta havorycca ŭ paviedamleńni departamienta infarmacyjnaj palityki MZS.
