Hramadzianie Hiermanii i Polščy, jakija ŭdzielničali ŭ antyjadziernaj akcyi, buduć departavanyja ź Biełarusi,paviedamiŭ adzin z paplečnikaŭ zatrymanych, hramadski aktyvist Alaksandr Jaraševič.
25 krasavika kala stancyi mietro «Frunzienskaja» ŭ Minsku supracoŭniki milicyi zatrymali 12 udzielnikaŭ pikieta suprać budaŭnictva Astravieckaj AES. 26 krasavika jany byli aštrafavany na 20 bazavych vieličyń kožny (700 tys. rubloŭ). Noč zatrymanyja praviali ŭ Centry izalacyi pravaparušalnikaŭ na vulicy Akreścina.
Aktyvisty asudžany na padstavie artykuła 23.34 Kodeksa ab administracyjnych pravaparušeńniach (parušeńnie paradku arhanizacyi ci praviadzieńnia masavaha mierapryjemstva ci pikietavańnia). U liku asudžanych: biełarusy Jahor Jaremčanka, Alena Vitko, Siarhiej Ślusar, Ihar Bahačyk, Alaksandr Buhajoŭ; šeść hramadzian Hiermanii — Julijana Hryniec, Andreas Šełchas, Janina Rolik, Hvida Chansen, Jan Chiendryk, Katryn Chajnrych; hramadzianka Polščy Darota Kubašeŭska.
«Viečaram ich pad kanvojem dastavili na čyhunačny vakzał i pasadzili na ciahnik da Varšavy, jaki adpraviŭsia ŭ 20.40», — paviedamiŭ Jaraševič. Departavanych da
«Umovy ŭtrymańnia ŭ CIP byli nie vielmi. Za dva dni ich karmili mała. Tolki ŭ sudzie hramadzianie Hiermanii zmahli pahutaryć z pradstaŭnikom niamieckaha pasolstva, chacia jany patrabavali takoj sustrečy z momantu zatrymańnia», — adznačyŭ hramadski aktyvist.
«Hramadzianie Hiermanii dva hady nie majuć prava naviedvać Biełaruś, polka — tolki hod», — skazaŭ Jaraševič.
Ciapier čytajuć
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»5
Kiraŭnika markietynhavaj kampanii prysudzili da 7,5 hoda za sacyjałahičnaje daśledavańnie pra kavid u Biełarusi — «zdrada dziaržavie»
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary