1 traŭnia, padčas čarhovaha padarožža pa Biełarusi, Vaŭkavyščynu naviedaŭ Džon Kunstadter, fatohraf, aŭtar nieźličonych pracaŭ, pryśviečanych Biełarusi. 90 dzion na hod (nakolki dazvalaje viza) jon padarožničaje pa Biełarusi, fatahrafuje, publikuje fotaknihi i pravodzić vystavy svaich rabot.
Džon Kunstadter
Łapienicki kaścioł
Zakinutaja budoŭla kamandnaha bunkiera
v. Łyskova
Heta nie pieršy vizit fatohrafa na Vaŭkavyščynu, pieršy raz jon byŭ tam 25 studzienia 2011. Hetym razam atrymałasia pašyryć hieahrafiju naviedanych miescaŭ: Izabielin, Padarosk, Kraski, Łapienica Vaŭkavyskaha rajona, Porazava Śvisłackaha rajona, Ružany i v. Łyskava Pružanskaha rajona. U Biełarusi jość čym hanarycca i što pakazać hościu, ale
jość i miescy, padčas naviedvańnia jakich źjaŭlajecca pačućcio soramu i niajomkaści za dziaržaŭnyja orhany, jakija «abaraniajuć i achoŭvajuć» pomniki historyi i kultury.Tak zdaryłasia, naprykład, z razvalinami kaścioła ŭ Łapienicy, jaki pieratvaryŭsia ŭ zarosłuju kustami i pustaziellem śmietnicu. Čynoŭniki pradekłaravali «abaronu i achovu» pomnika tolki novieńkaj šyldaj, prybitaj paraj ćvikoŭ da bramy kaścioła. Navat pry adsutnaści hrošaj na restaŭracyju ci kansiervacyju možna było b prosta vyrazać zaraśniki, prybrać śmiećcie i akulturyć terytoryju.
U peŭnym sensie stała simvaličnym naviedvańnie zakinutaj budoŭli padziemnaha bunkiera kamandnaha punkta krain Varšaŭskaj damovy. Kali b ŭ hadach
Hety vizit taksama nie apošni: fatohraf źbirajecca pryjechać jašče raz užo hetym letam, tak bo šmat zastałosia za kadram.