U Brusieli 3 maja prachodzić ustanoŭčaje pasiadžeńnie Parłamienckaj asamblei prahramy Jeŭrasajuza «Uschodniaje partniorstva», paviedamlaje sajt Jeŭraniesta.
Kanfierencyja staršyniaŭ palityčnych frakcyj Jeŭraparłamienta 10 lutaha pryniała rašeńnie ab sklikańni pieršaha pasiadžeńnia Jeŭraniesta bieź biełaruskaj delehacyi. Pastanova pačać pracu Jeŭraniesta biez pradstaŭnikoŭ hramadzianskaj supolnaści i parłamienta Biełarusi była pryniataja ŭ Jeŭraparłamiencie adnahałosna.
Raniej mierkavałasia, što ŭ pracy Parłamienckaj asamblei prahramy Jeŭrasajuza «Uschodniaje partniorstva» (Jeŭraniest) voźmuć udzieł 60 jeŭradeputataŭ, a taksama pa 10 pradstaŭnikoŭ (u asnoŭnym parłamientaryjaŭ) ad Hruzii, Ukrainy, Armienii, Azierbajdžana, Małdovy i Biełarusi. Adnosna apošniaj razhladalisia roznyja varyjanty: zaprašeńnie vyklučna apazicyi abo apazicyi i piaci pradstaŭnikoŭ parłamienta. Adnak hetyja idei nie znajšli razumieńnia ni ŭ aficyjnaha Minska, ni ŭ šerahu krain — susiedziaŭ ES.
