Nacbank śćviardžaje, što za krasavik zołatavalutnyja zapasy vyraśli na 1% 4

Mižnarodnyja reziervovyja aktyvy (zołatavalutnyja reziervy) Biełarusi, raźličanyja pa standartach MVF, pavialičylisia za krasavik na 32,1 młn. dołaraŭ (0,9%) i na 1 maja 2011 hoda skłali 3 młrd. 793,5 młn. dołaraŭ ZŠA. Pra heta śviedčać źviestki Nacyjanalnaha statystyčnaha kamiteta.

Pry hetym z pačatku hoda abjom ZVR krainy źniziŭsia na 1 młrd. 237,2 młn. dołaraŭ (24,6%).

Pavodle źviestak Biełstata, u struktury zołatavalutnych reziervaŭ reziervovyja aktyvy ŭ zamiežnaj valucie skłali 1 młrd. 440,7 młn. dołaraŭ, što na 467 młn. dołaraŭ (24,5%) mienš, čym na pačatak hoda. U toj ža čas za krasavik reziervy ŭ valucie pavialičylisia na 103,2 młn. dołaraŭ (7,7%).

Abjom manietarnaha zołata ŭ reziervach źniziŭsia za studzień-krasavik na 53 młn. dołaraŭ (3,3%) i na 1 maja skłaŭ ekvivalent 1 młrd. 546,8 młn. dołaraŭ. Pry hetym za krasavik aktyvy ŭ zołacie vyraśli na 146,4 młn. dołaraŭ, ci 10,5%.

Inšyja aktyvy skłali 207,4 młn. dołaraŭ, što ŭ 4,6 razu mienš, čym na pačatak hoda. Za krasavik inšyja aktyvy skaracilisia na 230,6 młn. dołaraŭ (52,6%).

SDR (śpiecyjalnyja pravy pazyčańnia) skłali 598,6 młn. dołaraŭ suprać 567,7 młn. dołaraŭ na pačatak 2011 hoda.

Za 2010 hod zołatavalutnyja reziervy Biełarusi źnizilisia amal na 622 młn. dołaraŭ, ci na 11%.

0

0

0

0

0

0

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH