Alaksandr Łukašenka ŭ piatnicu pryznačyŭ hienierał-majora Siarhieja Lemiašeŭskamu kamandujučym Vajenna-pavietranymi siłami i vojskami supraćpavietranaj abarony US Biełarusi.
Raniej S. Lemiašeŭski zajmaŭ pasadu načalnika Hałoŭnaha štaba — pieršaha namieśnika kamandujučaha Vajenna-pavietranymi siłami i vojskami supraćpavietranaj abarony.
Jak paviedamlałasia, raniejšy kamandujučy VPS i vojskami SPA Biełarusi hienierał-major Ihar Azaronak byŭ zatrymany ŭ kancy śniežnia 2010 hoda. U dačynieńni da jaho ŭzbudžanaja kryminalnaja sprava pa č.3 art.430 (atrymańnie chabaru ŭ asabliva bujnym pamiery) KK Biełarusi. Sprava znachodzicca ŭ vytvorčaści hałoŭnaha śledčaha ŭpraŭleńnia papiaredniaha rasśledavańnia MUS. Pa joj taksama prachodzić jašče adzin čałaviek — hramadzianin Rasii.
Na pytańnie ab tym, za što ž usio-taki pryznačałasia chabar, kiraŭnik MUS Anatol Kulašoŭ skazaŭ: «Pahladzicie, za što my asudžajem čynoŭnikaŭ: za zaklučeńnie kantraktaŭ. Zaklučajuć kantrakt, i ŭ kožnaha svaja staŭka: chto-to 5% biare „adkatu“, kto-to 10%, chto-to zusim niezaležna ad sumy ździełki nazyvaje kankretnuju sumu, jakuju pavinien dać toj ci inšy pradstaŭnik kampanii abo arhanizacyi. Tamu tut niejkich novych schiem pry ździajśnieńni karupcyjnych złačynstvaŭ my nie vyjaŭlajem».
Inšyja padrabiaznaści kryminalnaj spravy jon nie nazvaŭ u intaresach śledstva. «Nie vyklučaju, što ŭ pracesie rasśledavańnia mohuć być znojdzieny dadatkovyja fakty, ab jakich siońnia nieviadoma», — adznačyŭ jon.
Pakolki Ihar Azaronak byŭ aryštavany praktyčna adrazu ž paśla 19 śniežnia, chadzili čutki, što jaho aryšt moža być źviazany z admovaj vykanać niejki zahad Łukašenki. Źmiaščajecca hienierał-major, pa niekatoraj infarmacyi, u SIZA KDB, razam ź liderami apazicyi.
Chartyja'97
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
