Prem'jer-ministr Rasii Uładzimir Pucin, vystupajučy na kanfierencyi partyi «Adzinaja Rasija», prapanavaŭ stvaryć ahulnahramadzianski front na adzinaj palityčnaj płatformie, kudy ŭvojduć pradstaŭniki palityčnych partyj, prafsajuzaŭ, moładzievych arhanizacyj.
Pavodle jaho słoŭ, u jaho mohuć uvajści «pradstaŭniki „Adzinaj Rasii“ i inšych palityčnych partyj, prafsajuzy, moładzievyja arhanizacyi i inšyja, abjadnanyja imknieńniem umacavać krainu».
Premjer ličyć, što heta daść mahčymaść biespartyjnym vyłučać svaje kandydatury na vybary ŭ Dziarždumu.
Partyi-kankurenty «Adzinaj Rasii» — ŁDPR, «Jabłoko», KPRF skieptyčna staviacca da idei rasiejskaha premjera Uładzimira Pucina stvaryć «narodny front» i miarkujuć, što ni adna surjoznaja partyja nie pahodzicca na ŭdzieł u hetym abjadnańni. Da «narodnaha frontu» vykazaŭ namier dałučycca tolki Sajuz žančyn Rasii.
Lider partyi «Jabłoko» Siarhiej Mitrochin rasceńvaje zajavu Pucina jak pačatak dumskaj kampanii z boku «Adzinaj Rasii». «Hetym zajavaj dali zrazumieć, jak možna trapić u Dziarždumu. Dałučajciesia da «narodnamu frontu», i ŭ vas źjavicca šaniec atrymać svaje mandaty ŭ Dumie «, — skazaŭ Mitrochin.
gazeta.ru
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH