U Vialikabrytanii z hetaha hoda pačnuć rabić darahi analiz kryvi, katory dapamoža raspavieści, kolki hadoŭ pražyvie čałaviek, piša hazieta The Independent.
Supiarečlivy test, jaki ŭžo vyklikaŭ etyčnyja sprečki, vymiaraje ciełamiery – struktury ŭ chramasomach čałavieka. Navukoŭcy ličać, što pa ich možna maksimalna dakładna vyznačyć, nakolki chutka stareje čałaviek.
«My viedajem, što ludzi z karotkimi ciełamierami žyvuć mieniej. Ale my nie viedajem, ci pryniasuć bolš doŭhija ciełamiery bolš praciahłaje žyćcio», – tłumačyć Maryja Błaska ź ispanskaha Nacyjanalnaha centru daśledvańnia raku ŭ Madrydzie, dzie źjaviłasia ideja daśledavać ciełamier.
Lekary hatovyja raspavieści, jaki bijałahičny ŭzrost čałavieka, nakolki pacyjent maładziejšy albo starejšy za śvij realny ŭzrost, usiaho za €500. Bijałahiny ŭzrost navukoŭcy buduć vymiarać pa daŭžynie ciełamieraŭ. Na dumku daślednikaŭ, vyznačeńnie ŭzrostu pa ciełamierach stanie papularnym ciaham nastupnych piaci-dziesiaci hadoŭ.
Ideja vyznačeńnia praciahłaści žyćcia z dapamohaj testu ŭžo vyklikała etničnyja sprečki siarod navukoŭcaŭ. Pytańni ŭ śpiecyjalistaŭ vyklikajuć mahčymyja reakcyi ludziej na navinu ab kolkaści času da śmierci, a taksama śpiekulacyi niadobrasumlennych arhanizacyjaŭ na temie lekaŭ suprać stareńnia i eliksiraŭ nieŭmiručaści. Akramia taho, vyniki tekstaŭ mohuć vyklikać kamiercyjny intares u kampanij, katoryja prapanujuć miedyčnuju strachoŭku, jakaja raźličvajecca z ulikam ryzykaŭ surjoznych zachvorvańniaŭ albo śmierci ŭ rańnim uzroście.
