U avaryi pad Minskam dzieci z mašyny vypali na darohu +fota6
DTZ adbyłasia na trasie M2 (Minsk — Nacyjanalny aeraport «Minsk»). U jaho trapili čatyry aŭto.
Try pasažyry — 39-hadovaja žančyna i dva 8-letnich dziciaci — vypali z mašyny pry sutyknieńni čatyroch aŭtamabilaŭ na trasie M2 (Minsk — Nacyjanalny aeraport «Minsk»).
Za rulom aŭtamabila «Micubisi łansier» znachodziŭsia 31-hadovy vychadziec z Afhanistana, jaki raniej nieadnarazova parušaŭ praviły darožnaha ruchu i ździajśniaŭ DTZ. Jon ruchaŭsia ŭ kirunku Barysava i, vykonvajučy manieŭr razvarotu ŭ niedazvolenym miescy, nie zaniaŭ krajniaha levaha stanovišča. U vyniku adbyłosia sutyknieńnie z aŭtamabilem «Folksvahien šaran», jaki vykinuła na pałasu sustrečnaha ruchu, dzie jon sutyknuŭsia z mašynami «Suzuki» i «Piežo».
Ź dźviarej «Folksvahiena» na prajeznuju častku vypaŭ syn kiroŭcy, a taksama 39-hadovaja pasažyrka sa svaim synam. Paciarpiełyja byli špitalizavanyja, adzin z chłopčykaŭ trapiŭ u reanimacyju.
«Vinavaty ŭ hetym zdareńni kiroŭca aŭtamabila «Micubisi łansier», što rabiŭ razvarot, pavinien byŭ pradbačyć nastupstvy svajho hrubaha parušeńnia PDR. Jon biazdumna parušyŭ zakon, što nieminuča pryviało da ciažkich nastupstvaŭ, — padkreślivajecca ŭ paviedamleńni pres-słužby. — Adnak traŭmy, atrymanyja dziećmi, — «zasłuha» kiroŭcy niamieckaha aŭtamabila. Vina jaho ŭ tym, što jon nie harantavaŭ biaśpieki svaim pasažyram. U aŭtamabili adsutničali śpiecyjalnyja dziciačyja ŭtrymalnyja pryłady, i darosłaja pasažyrka, i dzieci nie byli pryšpilenyja ramianiami biaśpieki, što źjaviłasia pryčynaj ich vypadzieńnia z sałona aŭtamabila na prajeznuju častku darohi».
Pa dadzienych pres-słužby, z pačatku hoda na darohach Biełarusi ŭžo zahinuła 14 dziaciej, i 151 dzicia atrymała traŭmy.
