Kiraŭnik MZS Rasii Siarhiej Łaŭroŭ napres-kanfierencyi paśla sustrečy z polskim i niamieckim kalehami ŭ Kalininhradzie pastaviŭ niekalki akcentaŭ adnosna biełaruskaj situacyi.
Najpierš Łaŭroŭ, u ton Radasłavu Sikorskamu i Hida Vasterviele, ź jakimi damaŭlaŭsia pra biaźvizavy režym miž Rasijaj i ES, asudziŭ palityčnyja represii ŭ Biełarusi.
«Ministerstva zamiežnych spraŭ zrabiła aficyjnuju zajavu pra naša niehatyŭnaje staŭleńnie da sudovych pracesaŭ, vyniesienych prysudaŭ.
My zaklikali i zaklikajem biełaruskaje kiraŭnictva całkam vykonvać mižnarodnyja abaviazalnictvy ŭ tym, što tyčycca pavahi pravoŭ i svabod čałavieka», — adznačyŭ Łaŭroŭ.
Paśla prezidenckich vybaraŭ 2010 hoda Rasija ŭpieršyniu tak paśladoŭna asudžaje na vysokim uzroŭni parušeńni pravoŭ čałavieka ŭ Biełarusi. Paśla padziej 19 śniežnia 2010 hoda Kreml navat sprabavaŭ uniknuć naŭprostavaha vinšavańnia Alaksandra Łukašenki z «pieramohaj» na vybarach, dasłaŭšy vinšavańnie «z vynikami vybaraŭ».
U papiarednija prezidenckija kampanii rasijskaje kiraŭnictva ŭstrymlivałasia ad asudžeńnia ich niedemakratyčnaści i adnačasova padtrymlivała dyktaturu Łukašenki kredytami i enierhanośbitami pa źnižanych cenach.
Adnak i jeŭrapiejskuju palityku sankcyj suprać łukašenkaŭcaŭ Rasija nie padzialaje. Sankcyi «niemetazhodnyja», bo «nie buduć spryjać dasiahnieńniu tych vynikaŭ, pra jakija idzie havorka», kazaŭ Łaŭroŭ. «Va ŭsich vypadkach
nie izalacyja, a ŭciahvańnie spryjajuć prasoŭvańniu rynkavych i demakratyčnych reformaŭ», — dadaŭ jon.
Jeŭrasajuz ža, vidać, rasčaravaŭsia ŭ palitycy «ŭciahvańnia», jakuju sprabavaŭ pravodzić u dačynieńni Łukašenki ŭ 2008–2010 hadach. «
My budziem uzmacniać cisk na biełaruski režym, pakul jon nie źmienić svoj kurs», — adznačyŭ na toj samaj
Pytańnie ŭzmacnieńnia sankcyj jeŭraministry abmiarkujuć u Bruseli ŭ paniadziełak.