Na naradzie z Łukašenkam u piatnicu staršynia Kamiteta dziaržaŭnaha kantrolu Alaksandr Jakabson adznačyŭ: «Davoli šmat sustrakajučysia ŭ rehijonach z roznymi ludźmi, chaču skazać, što ŭpeŭnienaść nasielnictva ŭ stabilizacyi situacyi nie stračana».
«Sapraŭdy, u studzieni-krasaviku biahučaha hoda ekanomika našaj krainy raźvivałasia davoli vysokimi tempami. Razam z tym samaja hałoŭnaja prablema, jakaja siońnia isnuje, źviazanaja z kursam biełaruskaha rubla, na žal, nie vyrašana. Dysbałans zamiežnaha handlu ŭ asnoŭnym sfarmavaŭsia za košt impartu pramiežkavych tavaraŭ. Heta amal 90 pracentaŭ u ahulnym abjomie admoŭnaha salda. U hety čas debitorskaja zapazyčanaść tolki za pieršy kvartał biahučaha hoda ŭzrasła na $1 młrd. i skłała $4,5 młrd., a za čatyry miesiacy budzie nie mienšaja za $5 młrd. Heta tavary, jakija pastaŭleny na ekspart, ale hrošy nie viarnulisia».
Alaksandr Jakabson taksama źviarnuŭ uvahu na destruktyŭnyja, destabilizujučyja dziejańni šerahu internet-resursaŭ, jakija siejuć čutki i paniku siarod ludziej. «Tut treba štości rabić!» — paskardziŭsia staršynia KDK.
