Jak paviedamlaje RBK, ź Livii źbiehli piać vysokapastaŭlenych hienierałaŭ, jakija admovilisia padtrymlivać režym pałkoŭnika Muamara Kadafi.
Źbiehłyja hienierały i jašče troje livijcaŭ prybyli ŭ Italiju. Hetuju infarmacyju paćvierdzili italjanskija ŭłady. Vajskoŭcy zaklikali svaich suajčyńnikaŭ admovicca ad padtrymki Kadafi, jaki zładziŭ u Livii, pavodle ich słovaŭ, hienacyd. Pry hetym jany dadali, što nieabchodna heta zrabić «u imia pakutnikaŭ, jakija zahinuli za svabodu».
Z pačatku kanfliktu ŭ Livii z krainy źbiehli ŭžo dziasiatki aficeraŭ, ministraŭ i dypłamataŭ.
Varta adznačyć, što novyja ŭcioki vysokapastaŭlenych čynoŭnikaŭ adbylisia na fonie čarhovaha mahutnaha avijaŭdaru sił NATO pa ŭradavych abjektach.
0
0
0
0
0
0