Pra heta paviedamiła dyrektar pradpryjemstva «Biełhipravadhas» Śviatłana Dunajeŭskaja 2 červienia na
Pavodle jaje słoŭ, afrykanskaha soma płanujecca vyroščvać u rybhasie «Vołma», stronhu (farel) — u rybhasie «Alba». Akramia taho, u Biełaruskaj sielskahaspadarčaj akademii ŭ Horkach płanujecca arhanizavać vyroščvańnie malka da 5 hram.
Jak paviedamiła Dunajeŭskaja, pradpryjemstva zajmajecca raspracoŭkaj ustanoŭki dla vyroščvańnia hetych vidaŭ ryb. Pry hetym płanujecca vykarystoŭvać zamiežny vopyt i technałohii. Tak, u častcy raspracoŭki ŭstanoŭki dla vyroščvańnia afrykanskaha soma i stronhi pradpryjemstva supracoŭničaje ź niamieckaj kampanijaj, malkoŭ da 5 hram — ź finskaj.
Dunajeŭskaja ličyć, što novy kirunak u rybnaj haspadarcy dazvolić zrabić nižejšym košt afrykanskaha soma i stronhi, jakija raniej zavozilisia ŭ Biełaruś.
Jak paviedamiŭ namieśnik dyrektara, načalnik adździeła mielijaracyi i vodnaj haspadarki departamienta pa mielijaracyi Ministerstva sielskaj haspadarki i charčavańnia Uładzimir Jaŭpak, u biełaruskich rybhasach vyroščvajecca kala 16 tys. ton ryby (da reformy rybhasaŭ u akcyjaniernyja tavarystvy — kala 4 tys. ton, hałoŭnym čynam karp). Apošnim časam z ulikam popytu stali vyroščvacca kaštoŭnyja parody ryb: asiatrovyja, bieły amur, taŭstałobik i inš.
Jak ličyć Jaŭpak, abjomy hadavańnia ryby pavinny raści. Pavodle norm charčavańnia, u siarednim čałaviek pavinien źjadać u hod kala 20 kh ryby. Takim čynam, biełarusy štohod pavinny spažyvać u ježu kala 170–180 tys. ton ryby.
