Va Ukrainie tolki 2% abituryjentaŭ vyrašyli zdavać test pa ruskaj movie.Jak raskazała dyrektar Ukrainskaha centra aceńvańnia jakaści adukacyi Iryna Zajcava, z 258 tys. achvotnych prajści Vonkavaje niezaležnaje testavańnie tolki 6 tysiač vybrali ruskuju movu.
Testavańnie pa ruskaj movie va Ukrainie ŭ 2011 hodzie pravodzicca ŭpieršyniu, i pakul Zajcava nie bačyć pryčyn ad jaho admaŭlacca. Kančatkovaje rašeńnie z hetaj nahody budzie pryniataje pa vynikach ustupnaj kampanii. Vyniki stanuć viadomyja 5 lipienia. 2 červienia pačałosia testavańnie pa ŭkrainskaj movie, 10 červienia abituryjenty napišuć testy pa ruskaj movie.
Z 2010 hoda ŭkrainskija školniki pastupajuć u VNU pa vynikach testavańnia. U škołach ža vypuskniki buduć pisać niekalki vynikovych kantrolnych rabot.
U vieraśni 2010 hoda kiraŭnik Minadukacyi Dźmitryj Tabačnik, tłumačačy novaŭviadzieńnie, kazaŭ ab adsutnaści palityčnaha padtekstu, bo dla pastupleńnia ŭ mnohija ŭkrainskija VNU ruskaja mova nieabchodnaja. Tabačnik tady nahadaŭ, što va Ukrainie jość 1800 ruskamoŭnych škoł.