Prajekt zapačatkavaŭ łejbł «Aist Music» — adhalinavańnie kampanii «Vigma». Užo źjavilisia pa dva dyski pad kidkimi vokładkami z usimi albomami i klipami hurtoŭ «Neŭra dziubel» i «Lapis Trubiackoj». Na čarzie — «Pieśniary».
Prajekt zapačatkavaŭ łejbł «Aist Music» — adhalinavańnie kampanii «Vigma». Užo źjavilisia pa dva dyski pad kidkimi vokładkami z usimi albomami i klipami hurtoŭ «Neŭra dziubel» i «Lapis Trubiackoj». Na čarzie — «Pieśniary».
Kiraŭnik «Aist Music» Uładzimier Kubyškin piša pieśni dla pop-prajektaŭ «Čiernika», «Toples» i A.Saładuchi i paralelna vydaje albomy «alternatyŭnikaŭ». Za try hady vyjšli albomy hurtoŭ «Kukły», «Neŭra dziubel», «Pałac». Kubyškin vydaje toje, čaho, na jaho dumku, patrabuje biełaruski muzyčny rynak. Siońnia na im vidavočny brak MR3-składanak — zručnaha farmatu, bo na adnym dysku možna źmiaścić ź dziasiatak albomaŭ, niekalki videaklipaŭ i z paŭsotni fatazdymkaŭ.
Ciapier viaducca pieramo- vy nakont praciahu rok-kalekcyi składankami ad «N.R.M.» i «Ulisa». «U svaim vybary my aryjentavalisia na hurty, jakija majuć svajho słuchača, zrabili ŭniosak u ajčynnuju muzyčnuju kulturu i majuć pryvabny i rentabelny pradukt», — kaža U.Kubyškin.
Dyski z čatyrnaccaćciu albomami «Neŭra dziubela» i šasnaccaćciu «Lapisaŭ» — całkam lehalny pradukt. Alaksandar Kulinkovič sam tranślitaravaŭ nazvy svaich pieśniaŭ z kirylicy ŭ łacinicu, kab va ŭsich prajhravalnikach jany čytalisia. Usie aŭtarskija adličeńni «Aist Music» spłačvaje.
U.Kubyškin nia ličyć, što prodaž MR3-kalekcyi moža adbicca na realizacyi poŭnafarmatnych albomaŭ — daražejšych, ale ŭ jakasnym CD-farmacie: «Usie hetyja albomy paasobku ŭžo byli pradadzieny tysiačnymi nakładami, ad vydańnia ich u inšym farmacie vykanaŭcy nabyvajuć dadatkovyja hrošy i pijar».
Kamientary