Padpisany kantrakt na pastaŭku ŭ Biełaruś ukrainskaj elektraenerhii ŭ pieršym paŭhodździ 2007 hodu. Jak paviedamlaje ŭkrainskaja hazeta «Ekonomičieskije iźviestija» sa spasyłkaj na supracoŭnika presavaj słužby «Minpałenerha» Ŭkrainy Michaiła Hryščanku, biełaruski bok zhadziŭsia na prapanavanaje Ŭkrainaj padvyšeńnie cany na 15%.
Pieramovy pa pastaŭkach ukrainskaj elektraenerhii ŭ Biełaruś u 2007 hodzie byli doŭhimi i napružanymi, ale biełarusy pajšli na sastupki i pahadzilisia z ukrainskaj canoj. Novy kantrakt praduhledžvaje ekspart kala 1,5 miljardaŭ kilavat‑hadzinaŭ elektraenerhii na praciahu pieršaha paŭhodździa. Što budzie dalej, Hryščanka ŭdakładnić nie zmoh.
Deficyt elektraenerhii ŭ Biełarusi składaje kala 5,8 miljardaŭ kilavat‑hadzinaŭ u hod, jakija «Biełenerha» maje namier pakryć za košt impartu. Jak pišuć ukrainskija «Ekonomičieskije iźviestija», Biełarusi nie prychodzicca spadziavacca na dapamohu Rasiei – tam zaraz taksama niedachop enerhii, dyj adnosiny prezydentaŭ Pucina i Łukašenki nie spryjajuć vyhodnym dla Biełarusi ekanamičnym kantraktam.
