Minsk pazyčyŭ jašče 1 młrd dalaraŭ u Turkmienii. Takim čynam ahułam Minsk biare ŭ kredyt 4 młrd dalaraŭ, ź jakich 3 młrd daje JeŭrAzES, piša hazieta «Trud».
Jak raniej zajaviŭ kiraŭnik administracyi prezidenta Biełarusi Uładzimir Makiej, kraina damoviłasia jašče pra adzin kredyt na 1 młrd dalaraŭ. Pavodle jaho słovaŭ, Biełaruś atrymaje hetyja srodki «ź inšaj krynicy», aproč raniej vyłučanaha Minsku kredytu z antykryzisnaha fondu JeŭrAzES.
Jak raskazali vydańniu ŭ rasijskich dypłamatyčnych kołach Biełarusi, hrošy vydaść Turkmienija. U tym liku i pa heta Alaksandr Łukašenka lotaŭ u Ašchabad u pačatku červienia.
Praŭda, «Niezaležnaja hazieta» piša, što zahadkavy miljard hatovy pieraličyć avansam za kantrolny pakiet akcyj «Biełaruśkalija» saŭładalnik rasijskaha «Urałkalija» Sulejman Kierymaŭ. Inšyja krynicy paviedamlali, što miljard budzie pieraličany ŭ liku budučych pastavak kaliju.
Infarmacyja haziety «Trud» pakul nie znajšła paćvierdžańnia ŭ aficyjnych krynicach.
