Premjer-ministr Ukrainy Mikałaj Azaraŭ zajaviŭ, što dziejny kantrakt pa hazie z Rasiejaj nie viečny i ŭ budučyni budzie skasavany.
"Ja zajaviŭ samaje hałoŭnaje, što Ukraina nie budzie hety kantrakt mieć viečna. Nastupić momant, kali my jaho parviom. I tamu lepš rana ci pozna damovicca ab narmalnych składnikach novaha kantrakta», -- zajaviŭ Azaraŭ u piatnicu ŭ efiry Pieršaha nacyjanalnaha telekanała, kamientujučy pieramovy pa hazie z Rasiejaj.
Viadučy Savik Šuster pierapytaŭ premjera, ci skazaŭ jon rasijskamu boku ab mahčymaści razryvu hazavaha kantraktu. «Viadoma, adnaznačna, tak i skazaŭ», -- adkazaŭ Azaraŭ.
Ukrainski bok sprabuje dabicca bolš vyhadnych umovaŭ pastavak hazu. Ale Rasija šantažuje: tańniejšy haz Ukraina zmoža atrymać tolki ŭ vypadku ŭstupleńnia ŭ Mytny sajuz Rasii, Kazachstana i Biełarusi.Ukraina ŭsimi siłami ŭchilajecca ad hetaha sajuza, bo jon pierakreśliŭ by pierśpiektyvu jeŭrapieizacyi krainy i jaje dałučeńnia da Jeŭrasajuza.
0
0
0
0
0
0
