Za DDoS-ataki — 10 hadoŭ turmy 3

Błakavańnie pracy internet-sajtaŭ šlacham ich naŭmysnaj pierahruzki zapytami (DDoS-ataki) pryznanaje kryminalna karanym dziejańniem.

Takoje rašeńnie pryniaŭ ziamielny sud Dziusieldorfa. Za DDoS-ataki zakanadaŭstva Hiermanii praduhledžvaje da dziesiaci hadoŭ pazbaŭleńnia voli, paviedamiŭ u aŭtorak niamiecki časopis Spiegel.

Jak udakładniaje vydańnie, adpaviedny prysud byŭ vyniesieny jašče ŭ sakaviku, adnak apublikavany jon tolki ciapier. Sprava, jakuju razhladaŭ sud, datyčyła błakavańnia pracy šaści bukmiekierskich sajtaŭ. Pavodle dadzienych śledčych orhanaŭ, abvinavačvany, sprabujučy šantažavać bukmiekieraŭ, zładziŭ DDoS-ataku na ich sajty z arandavanych u Rasii siervieraŭ. Haspadary troch sajtaŭ zapłacili złamyśniku, a troje inšych płacić admovilisia. Tady abvinavačvany znoŭ zabłakavaŭ ich sajty, što, pavodle słovaŭ paciarpiełych, pryviało da źnižeńnia prybytku na šaściznačnuju sumu.

Sud uhledzieŭ u dziejańniach abvinavačanaha skład złačynstva, praduhledžanaha parahrafam 303b kryminalnaha kodeksa Hiermanii (kamputarny sabataž), za jakija praduhledžanaje pakarańnie ŭ vyhladzie pazbaŭleńnia voli na termin da dziesiaci hadoŭ. Akramia taho, padsudny byŭ pryznany vinavatym u šantažy.

Jak adznačyŭ advakat Jorh Chajnrych, jaki śpiecyjalizujecca na złačynstvach u śfiery IT, heta «adzin ź pieršych vypadkaŭ vyniasieńnia abvinavaŭčaha prysudu pa kryminalnaj spravie ab DDoS-napadach».

DDoS-ataka — dziejańni, jakija palahajuć u hienieracyi (z dapamohaj batnetu) vialikaj kolkaści zapytaŭ da veb-sierviera, abranaha «achviaraj». DDoS-ataka padviarhaje pierahruzcy kanał suviazi i vyličalnyja mahutnaści, jakija zabiaśpiečvajuć pracu atakavanaha sajta, što pryvodzić da jaho niedastupnaści.

0

0

0

0

0

0

rian.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH