Centralnaja vybarčaja kamisija (CVK) paviedamiła, što daterminovaje hałasavańnie na miascovych vybarach pačniecca 9 studzienia 2007 hodu.
Sam dzień vybaraŭ pryznačany na 14 studzienia. Biuleteni buduć vydavacca na padstavie śpisu hramadzianaŭ, jakija majuć prava ŭdziełu ŭ hałasavańni, pa pradjaŭleńni pašpartu. Akramia pašpartu, biuleteń budzie možna atrymać na padstavie inšych dakumentaŭ. U pryvatnaści, heta studencki bilet, pensijnaje paśviedčańnie, słužbovaje paśviedčańnie dziaržaŭnaha słužačaha, paśviedčańnie vajskoŭca, daviedka vorhanaŭ unutranych spravaŭ dla hramadzianaŭ, jakija stracili pašpart albo zdali jaho na abmien. U dakumentach abaviazkova pavinny być fatazdymki.
Paralelna z daterminovym hałasavańniem budzie praciahvacca ahitacyjnaja kampanija kandydataŭ u deputaty, jakaja pačałasia 15 śniežnia. Jana zavieršycca 13 studzienia.